منتدى مقاطعة - عرض مشاركة واحدة - شيكوا على فواتيركم @ أخطاء في فواتير «الكهرباء» ترفع قيمة السداد «أضعافاً»

**<الحربي>** · 13-10-2010, 04:57 AM

ياجماعه صدقوني السالفه ومافيها انها حركه مقصوده وبقوة من شركة الكهرباء وفي جميع مناطق المملكه تقريبا وسوف اوضح لكم اللي فهمته او اجتهاد مني شخصيا قابل للنقاش والتصحيح:.
لو تلاحظون اوتتذكرون في كل عام يحدث هذا الشئ يعني في كل سنه يختارون شهر معين فيها عمدآ منهم ويحسبون قيمة الفاتورة مضاعفه(دبل)وبالضبط واذا رحت راجعتهم بالفاتوره يقولون لك اولا طبعا سدد قيمتها وبعدين ننظر في وضعك واذا حنو عليك او بالاصح يضحكوا عليك

قالوا لك نرسل فني يفحص لك العداد ونشوف.. ياناس صدقوني العداد نادرا جدا ما يتعطل وهم عارفين هذا جيدا.. وحتى لو قلنا انه يتعطل

ليش دائما يكون العطل سبحان الله في ان دوران العداد سريع ويحسب عليك الاستهلاك الشهري اكثر من المعتاد. مافي ولو مره واحده فقط حتى بالصدفة العطل يكون العكس اي بطئ او توقف مفاجئ للعداد..
والامر الاخر وهو الاهم والارجح موجود امامنا في الفاتورة وهو التلاعب او التمديد المتعمد في الفترة الزمنيه من كذا الي كذا(عدد الايام).. والجميع يلاحظ في هذه الفاتورة(المدبله) بذات يكون عدد الايام فيها اكثر من شهر دائما 32,33,35 يوم.. وبالتاريخ اي تاريخ تسجيلهم قراءة العداد.. طبعا قاصدين ومتعمدين هذا حتى تدخل قراءة الشهر الجديد او القادم مع هذا الشهر في النظام او البعض يسميها الدخول في الشريحه الثانيه للعداد او بمعنى اخر بدل مايكون معامل الضرب واحد(1)يصبح(2)
يعني استهلاكك الشهري مضروب في ثنين(شهرين) وطبيعي النظام الالكتروني المبرمج لحساب الفاتورة لديهم يصدر قيمتها مدبله او دبل بمجرد اضافة يوم واحد اويومين او اكثر يعتبر دخول في الشهر الذي بعده.
ولو حسبنها يدوي او بالتقدير...بالعاقل استهلاك خمسه اواربع ايام فوق الشهر. لو فرضنا مثلا قيمة الفاتوره 30ريال يصبح يساوي 5,4ريال مو65.60 ريال يعني حنا ندفع لهم حق استهلاك شهرين بالضبط زائد حق الايام الزائده على الشهر ..وهذا اللي حاصل مليون بالميه...<<<<ولا يجي واحد يقولي اخطأ في الفواتير لانها حركه مقصوده ومتعمده ومكرره منهم.
يأكلون مال الناس بالباطل ما يكفيهم الدعم المادي الهائل من الدوله بالميليارات وايضا من الملك الله يحفظه . وفوق هذا كله يقولون خسرانه

اتمنى وارجوا من المشرفين تثبيت الموضوع....تكفون
حتى نستفيد منه جميعا.....او على الاقل لكي تعلم الشركه او القائمين عليها اننا فاهمين اساليبهم في التلاعب في قيمة الفواتير والتحايل على المواطن ابن البلد غير الانقطاعات
المتكرره في التيار في جميع المدن والقرى والمسببه الكثير من التلف في الاجهزه المنزليه وبالتالي للخسائر دون اي محاسبه من المتضرر.... اوعلى الاقل مجرد اعتذار منهم.

وأســــــف على الاطاله
وسلامتكم