عرض مشاركة واحدة
قديم 15-01-2008, 02:45 PM   #47
ابونايف1
مقاطع جديد

 
رقـم العضويــة: 7234
تاريخ التسجيل: Jan 2008
المشـــاركـات: 27

افتراضي

اقتباس:
المشاركة الأصلية كتبت بواسطة الشبح الأزرق مشاهدة المشاركة


لآن يا أخي أمامك الجداول
يجب عليك تحقيق نسبة سعودة
الراتب يعتمد على الوظيفة وأيضا على الجنسية
من غير العدل مقارنة مدير مالي بنجار وسائق رافعة شوكية
وبما أن أصحاب الشركات لايهتمون بغير نقودهم فإنهم سيختارون نسبة السعودة بحيث تكلفهم أقل قدر ممكن
ولأن الأجنبي إذا قصر رح ينفصل فأسهل لصاحب العمل يحطه في المراكز اللي منها واحد واثنين
ويا إخوان الرجاء الابتعاد عن العنصرية
يعني البعض يتكلم وكأن الأجانب أكلوه حي
تراهم ساعيين للرزق وبس والأرض أرض الله

وإذا نظرتم للمؤسسات الحكومية رح تلاقون أن السعودي ذو حظ أوفر
على الأقل يقدر يقدم استقالته ويروح مكان ثاني
أما الأجنبي فلازم تنازل الكفيل أو ترحيل
أنظروا إلى النعمة التي أنتم فيها و اغتنموها
والله يصلح حال العباد والبلاد
للأسف انك محسوب على البشرية كانسان
الحين تقول ان السعودي يقدر يقدم استقالته ويروح مكان ثاني
اللي يقرأ كلامك يقول ان الوظائف بالجملة
وش هالكلام انا احس انك فلسطيني ولا مصري ولا اردني وحاب بس تهدي الوضع شوي
ياناس ياعلم والله العظيم ماقلكم الا اللي اشوفه جيراني كلهم شوام سيارات فاااااااااارهة واحد والله العظيم سيارته يوكن دينالي 2007 اول مانزلت بالجميح والتوكيلات وهي معاه قيمتها حوالي 170الف ريال والثاني فورد اكسبديشن جديييييييييييييييييييييييدة والثاني ماركيز 2006 والثالث كابريس2006 والرابع ثلاث سيارات اكسبلورر وكرولا2006وكامري2005
وانا سيارتي بيوك1993موقادر اصلح المكيف ولا التهريبات اللي فيها
والطامة الكبرى ان هذولي كلهم مستأجرين شقق بــ15 ألف ريال من اصحاب العمائر انفسهم والكارثة اني يوم اجرت شقتي بحبة خشم وتوسل رضي واجرني بعشرين الف بعد ماجبت له تعريف من عملي اني على رأس العمل وبعد سنة اكتشفت انه مأجر جاري الفلسطيني بــ15الف ريال وان كل اللي حولي من الاجانب بنفس السعر والسعوديين لا بعشرين الف اتصلت على صاحب العمارة وقلت له يابو فلان انا ولد بلدك مثل ولدك تاجرني بـعشرين الف والاجنيب اللي رابته 13الف وبدل سكن وتامين طبي وسيارة من العمل وجوال مفتوح الخ الخ تعطيه بـ15الف
قالي اخوي تبيها ولا الله يسهل عليك دورلك شقة غيرها
وحتى جاري سعودي شغال بالاتصالات راتبه سبعة الاف صاحب العمارة ماجره بـ20الف وبعدنا سكن واحد سوري مندوب مببيعات بغيت اجننننننننننننن واذبح صاحب العمارة تدرون ليه
اجر عليه الشقة بنفس سعر الفلسطيني
انا بس ابي اقول ان لو كل اللي مستأجرين شقق يرفضون الزيادة ولايعطون صاحب العمارة اي ريال زيادة وحتى ما يقبلون منه اي تفاوض يروح بالوقت المحدد للمكتب ويحط دفعة الستة شهور ويشهد اثنين من اصحاب المحلات ويقول اذا تبي زيادة رح اشتك بالامارة ولا بالحقوق المدنية طلعة ماراح اطلع لو تطير وزيادة ماراح ادفع لك ولا فلس

واخيرا تظامنا مع اخواني السعوديين في شركة البيبسي
راح اقاطع منتجات البيبسي وكل شي يصدر من مصنع القصيبي اللي ذبح اصحاب المؤسسات الصغيرة بالسعودة في الخضار والبقالات والورش والمحلات اللي يادوب يطلع منها الواحد بــ500ريال ربح بينما المصانع تعج بالفلس طين واللبنانيين والمصريين والفللبينيين
وبرواتب عااااااااااااااااالية وبدلات والسعوديين مجرد مستخدمين وباقل الرواتب
من اليوم واشهدو علي اني لن اشتري بيبسي اطلالالالالالالالالالالالاقا
يكفي انه احماض تتسبب في تلف الاسنان بشكل سريع
ابونايف1 غير متواجد حالياً