المشاركة الأصلية كتبت بواسطة مقاطع عنيد

تسلمين ياجمره على الموضوع والله يأخذ حقنا منهم

المشكله مو بالوكلاء (وكيل أي سلعه سواء سيارات أو أجهزه...الخ ) المشكله فينا احنا اللي خليناهم يضحكوا علينا ويستغلونا للأخره قطره من دمنا واعصابنا وفلوسنا الحل مو بيدي انا الحل بيدنا كلنا أشدد على كــلــنــا كــمستهلكين نأدب كل من يتطاول على المستهلك بأي وسيله (غش . نصب . سرقه .........الخ) نعلمهم ونأدبهم من هوا المستهلك بالمستهلك ماتقدر يا وكيل أو تاجر تكسب منه أذا كان واعي ومتثقف وتبدأ مسلسل الخساااير والافلاسات والتنازل عن الوكاله لشخص ثاني حــتــى يعرف قمية المستهلك .
جلسة مع مسئوول ببنك كبير في أحدى المناسبات وكلمته عن الحمله قلي شيء طيب وحلو وياليت الشعب عندنا كله يتوقف عن الشراء لفتره علشان تبدأ الخسااير للوكلاء ولكن المشكله عندنا بالسعوديه تلاقي بعضهم مقتدر او عنده مقدره يشتري سياره فيشتري ويقولك ايش دخلني بغيري يقاطع انا الحمدالله اقدر اشتري وما عليا من احد قلي الاختلاف في انهم يتحدون مع بعض هاذي المشكله واتمنى من الشعب والناس يوقفوا بوجهم ويقولوا لا ويصبروا.

رساله أوجها لكل مستهلك يحب الخير لأخوانه المستهلكين اي موقف يسيء للمستهلك من مطعم من وكاله سياره او محل اجهزه بأنواعها او ملابس أو سوبر ماركت أو مواد غذائيه .........الخ صور لنا الدليل بجوالك او أي شيء يثبت كلامك + قصتك للموقف وتكون صاادق مع ربك لأنك تتحاسب على كلامك ووقتها أنشرها في المواقع والايميلات حتى المستهلكين النايمين يصحوا ويكون عندهم وعي من مصايب التجار والوكلاء