سؤالك اخوي له شقين حسب فهمي وانا بجاوب للاثنين والكل يستفيد

بالنسبة لامتلاكك لصندوق بريد امريكي فهذا أكيد برسوم تختلف من شركة الى اخرى
الارامكس على سبيل المثال تدفع حدود 100 وشوية ولمرة واحده وتمتلك صندوق بريدي في امريكا وواحد في بريطانيا.. بعد كذا كل باوند تشحنه بـ60 ريال(الباوند نصف كيلو تقريبا)
وفيه بريد واصل (عنواني في امريكا) وهو مجاني لكن البعض يخافون من استخدامه بسبب التأخير او فقدان الشحنه والبعض يؤيد (لانها خدمة جديده وبالتالي سيظهر بعض المشاكل) وسعر الشحن أرخص من جميع الشركات فسعر الباوند 50 ريال



اما لو كنت تقصد ان المواقع تاخذ رسوم Tax اذا ارسلت لعنوانك في امريكا فهذا غير صحيح اطلاقا .. بالعكس احيانا تجد منتجات free US shipping يعني شحن مجاني داخل امريكا وبكذا ما تشيل هم الشحن داخل امريكا انت تدفع الشحن من امريكا الى السعودية فقط
طيب لو كان المنتج ما عليه شحن مجاني .. هنا راح تدفع مبلغ شحن للمنتج من الولاية اللي فيها المنتج الى الولاية اللي فيها صندوقك الامريكي وهذا شي طبيعي جدا

اما كونك تدفع ضريبه عشان صندوق بريد فهذا غير موجود اطلاقا

اتمنى اكون افدتك اخوي