لا شفنا شي في حضوره .

و لا فقدنا شي في غيابه .

ولا راح نشوف في وجوده مرة ثانية .

لأن الله يحفظهم كلهم موجودين ، أخوانه الله يعزهم ما يقصرون .

حنا شعب سعودي ، اسمنا ينتمي بإسمهم . عشان كذا هم يرعون شعبهم !

نبي فقط رخص أسعار . ونزاهة . وأمانة من المسئولين . والالتفات للشعب كله بكافة فئاته .

سالفة نزيد رواتب موظفين ما عاد تصلح . حنا شبعنا زيادات في رواتبنا وما فادتنا بشئ .

تزيد راتبي 30% ، وتخلي علي اللي بريال يصير بريالين وثلاثة . ما تصلح . تعطيني 30 وتاخذ 200 ؟؟

فكروا بالعوائل اللي ما عندهم عائل ولا دخل . ولا عندهم أحد قدر يتوظف علشان يعيل عائلته .

زيادة رواتب موظفي الدولة بنسبة 70% او 90% ما راح تحل شي . لأن الموظفين نسبة ضئيلة في المجتمع وما تكلف الدولة شي من الميزانية . الموظفين قليل ، والشعب غيرهم ، وهم كثير .

التفتوا للشعب اللي هلكان . وعلى ما قال أغنى دولة في العالم ، وأفقر شعب بالعالم .