لاتدف
يعني الاحترام مجبرين عليه وانتم ليش ما احترمتم الاجانب
اصلا من قولة اجنبي على الانسان العربي هاذي بحد ذاتها قلة ادب
المقيمين بشر مثلكم موب حيوانات
الاسلام عرفناه وهو كامل ما عرفنا الاسلام فيه نقص
حتى المسيحين عارفين ان الاسلام دين روحاني ودين تسامح واخاء وحب الخير للمسلم
وين انتم من هالكلام؟
مافي احترام مافي شي كل شي قلتوه على المقيمين
قلتوا اكلوا خيرنا قلتوا على مواليد السعودية لصوص وسراقين
وفئه دخيله على الشعب السعودي
بأي شرع قلتوا هالكلام؟
الاسلام مافيه التفرقه بين المسلم والمسلم
جاي تقول تنفثين ليش نافثه سم عليكم ولا قاعده اتكلم بعقل ومنطق واستدليت بأيات واحاديث
ولما تقول احترام السعودي فيه سعوديين يفرضون احترامهم غصب والسبب تعاملهم الطيب مع الغير
ما يفرقون بين المقيم والسعودي
لكن فيه سعوديين يعتبرون المقيمين حشرات وهذا اللي لقيته عندكم
حتى الدعاء على المقيمين دعيتوا عليهم
يلا يالفاهم هل الدعاء على المسلم يجوز؟
انتم ولا واحد استدل على كلامه بحديث او أيه ولا واحد تكلم بعقل
ويوم تقول الحضارم راحوا اندونيسيا والهند وهربوا
الحضارم تاجروا هنا ويوم رزقهم الله راحوا للدول اللي ذكرتها يتاجرون وينشرون الدين الاسلامي
موب مصدق راجع تاريخ الحضارم
بنفسه عايض القرني تكلم عليهم ومافي احد بيتكلم على احد من فراغ
والرسول صلى الله عليه وسلم يقول : ( الرَّاحِمُونَ يَرْحَمُهُمُ الرَّحْمَنُ ارْحَمُوا أَهْلَ الأَرْضِ يَرْحَمْكُمْ مَنْ فِي السَّمَاءِ )
عبدالله بن مسعود رضي الله عنه كان يدعو بهذا الدعاء : ( اللَّهُمَّ أَلِّفْ بَيْنَ قُلُوبِنَا وَأَصْلِحْ ذَاتَ بَيْنِنَا وَاهْدِنَا سُبُلَ السَّلاَمِ وَنَجِّنَا مِنَ الظُّلُمَاتِ إِلَى النُّورِ وَجَنِّبْنَا الْفَوَاحِشَ مَا ظَهَرَ مِنْهَا وَمَا بَطَنَ وَبَارِكْ لَنَا فِي أَسْمَاعِنَا وَأَبْصَارِنَا وَقُلُوبِنَا وَأَزْوَاجِنَا وَذُرِّيَّاتِنَا وَتُبْ عَلَيْنَا إِنَّكَ أَنْتَ التَّوَّابُ الرَّحِيمُ وَاجْعَلْنَا شَاكِرِينَ لِنِعْمَتِكَ مُثْنِينَ بِهَا قَابِلِيهَا وَأَتِمَّهَا عَلَيْنَا )
وين حنا من صفات واخلاق الصحابه؟
وحنا نبي نفرق بين بعض
والسبب ان ربي رزق انسان قلنا ليش فلان عنده وانا ما عندي
الله عزوجل يقول لرسول الله : ( فبما رحمةٍ من الله لنت لهم ولو كنت فظاً غليظ القلب لنفضوا من حولك )
ويقول الله تعالى يصف الرسول صلى الله عليه وسلم : ( لقد جاءكم رسول من أنفسكم عزيز عليه ما عنتم حريص عليكم بالمؤمنين رؤوف رحيم )
وين حنا من اخلاق الرسول؟
كان الرسول رؤوف ورحيم على المؤمنين
لو الرسول يشوف حالنا الحين وش بيقول علينا؟
هل نحنا فعلا اللي وصفنا الرسول لأصحابه بأننا نحن اخوانه ونحنا اللي امنا برسالته ولم نراه؟
الحين هذا كلامي يعتبر عندكم حقد؟
اذا كان هذا حقد اجل الحب وشو في مفهومكم؟
انتم تتكلمون بدون منطق
الله ما شفناه لكن بالعقل عرفناه
حكم عقلك قبل لا تنطق بأي كلمه شف كلامك صحيح او خطأ
الحين تكلمت عن الحضارم وانهم هربوا من السعودية ايام الفقر رح راجع تاريخ الحضارم
مستعده احطلك تاريخ الحضارم عشان تشوف ان انا عندي تاريخ فئه كامله
بينما انت تتكلم بدون اي دليل
واذا تبيني احطه مستعده احطه لك عشان ذيك الساعه نشوف الحق معك او معي
لا تتكلم في شي ما عندك علم عنه مجرد تتكلم وبس بدون دليل او شي يثبت كلامك
ومثل ما تقول واجب احترام الشعب السعودي
انت بعد واجب عليك احترام الانسان المسلم
لان الانسان يترك له ولغيره انطباع طيب عند الغير بأسلوبه قبل كل شي
الاسلام دين احترام موب دين تحقير من قدر الناس