ليه يكون فيه منتج واحد في مكانين مختلفين واحد عليه عرض والثاني لا
هذا اسمه استغفال ونصب واحتيال
والله يعلم اذا ماكان مزود في سعر اللي ماعليه العرض حتى يعوض الفرق
ماأخص العثيم بالكلام وهذا عام لأغلب الأسواق والسوبرماكت
ولأني من عملاء العثيم بصراحة تحز في نفسي مثل هذا الغش

نفس الشيء راح تلاحظه في حفاظات البامبرز
عجزت حتى اعرف سعره الطبيعي من سعر العرض
الى أن جاء يوم وانفجرت عند الكاشير المسكين
وناد المشرف وافادني المشرف انه فيه نوعين من العبوات بنفس الكمية ونفس المقاس وكل شيء
والفرق فقط في وجود شريط أحمر في الأعلى مكتوب عليه (حجم عائلي) وهذا اللي عليه العرض
والثاني مكتوب عليه (خصم 15%) وهذا ماعليه عرض
وسعر اللي بالعرض أقل من سعر المنتج اللي عليه الخصم من الوكيل
والمنتجين تلاقيهم في نفس الرف
يعني اللي ما ينتبه يروح فيها
وتصدقون اني بعد ما اكتشفت الحركة هذي وفي كل مرة ابي اشتريه لازم ازور اكثر من فرع حتى القاه
وتتعب وانت تدور
وكأنهم حاطين كميات العرض قليلة جداً والباقي اللي بخصم الوكيل
والزبون اللي ما يعرف
اول ما يشوف كلمة خصم على المنتج يحسبه هو المطلوب
الله المستعان