طفلي عمره 3 سنوات وثلاث اشهر بالضبط لا يتكلم مثل اللي بعمره واحسه متاخر، يستطيع ان يطلب اي شي يريده وافهم عليه مثلا ماما عطيني حليب، ماما باي اذا يبي يطلع او ماما الحديقه، متعلق فينا جدا وحساس جدا، يحب اخته ويحب يلعب معاها بس ماتحب تشاركه الالعاب، اذا كان في اطفال لا يشاركهم اللعب الا بعد مرور كم يوم، من شهرين بدا يلعب ويقفز مع اصدار صوت مثل نغمه العصفور وبدت ومع حركه بيده يفتح ايده ويسكرها وهذي الحركه يسويها اذا كان يلعب او بروحه متملل لكن اذا كان في شي شاغله مايسوي هذي الحركه، اذا كنا برا او في السياره تقريبا نادر يسوي هالحركه.
يسمع كلامي وحركته طبيعيه ويخاف من الاشياء الخطيره مثل المرتفعات او الاشياء الحاره
مرح ويحب الاناشيد والاغاني ويحاول يقلد حركات الاناشيد تعلمها من اخته.
اذا طلع ابوه يبي يطلع معاه واذا رجع ابوه او اخته من الدوام يرحب بكلمه اهلا وبوسه. اذا عصبت من عنده يخاف ويقول ماما عطيني بوسه.
يعرف كل اسمائنا واسم خاله وخالته ويناديهم باسمائهم واذ شافهم يفرح ويرحب، ويعرف اسم صديقتي واذا شافها يالشارع لازم يروح يحضنها. اذا كنا في مكان وطلبنا منه يسلم يسلم.
بس هو ملول لو كنت ابي اعلمه مايحب التعليم اقصد قصه او تلوين ممكن يجلس شوي ويتملل ويقوم بعدين اذا عطيته مكعبات يركبهم عادي. اذا سالت شلونك يقول الحمدلله واذا سالته اسمه يرد لكن اي سؤال ثاني مايعرف وين اختك اذا كانت بالمدرسه مايعرف. اذا سالته شنو تبي تاكل وخيرته بين شغلتين يختار. يفهم علي اذا قلت له نبي نطلع او طلبت منه شي مثلا ان يرمي الكيس بالزباله او يعطيني الريموت.
المشكله مرات احسه مو مركز والمشكله الاساسيه انه يقفز واصدار الصوت وحركه ايده في البدايه توقعت انها لا اراديه بس لاحظت انه يسويها بكيفه واذا شافني ضحك ويسوي قدامي واذا قلدته ضحك، واذا شاف ظله يسوي الحركه ويطالع خياله.

مرات احسه مو مركز معانا اذا في شي يحبه يقعد ويركزاذا طلبت منه يعيد وراي يعيد ومرات اساله سؤال مايفهمني يعيد وراي السؤال يحب الالعاب في الحديقه ويلعب بس مايشارك. اذا يلعب ويكون دوره يقول دورك مو دوري لان يخفظ كلامنا اذا كان دوره وقلنا له دورك مايعرف يقول دوري. مايستعمل انا ولا لي . واذا تعلم كلمه نسى كلمه يعني من عمره سنتين كلامه ماتطور ابدا يتعلم كلمه وينسى غيرها،

ودايما يتابع افلام كرتون والمشكله اللي تخوفني انه يعيد كلام مشاهد الفيديو بينه وبين نفسه ومقاطع فيديو يرددها مع نفسه ..اذا مسكته اساله سؤال مع اني اكون معلمته من قبل الحواب لكم ماحسه فاهم شنو قاعد اقوله اما يعيد السؤال اما يقول اسم الشخص الي سالته عنه اذا سالته وين بابا وهو يعرف ابوه طالع مايقول برا يقول بابا بابا احسه مو معاي.

سجلته في الروضه واحنا في بريطانيا اول اسبوعين ماكان يحب يجلس معاهم الحيت احسن يلعب بس قالولي لازم احنا ندمجه مع الاطفال مايجي من نفسه، مرات تقولي المعلمه اليوم سمع الكلام اليوم الثاني ماتكون راضيه عنه. تقولي احسه عنيد وتقولي احسه بعذ تحت عمر ال3 سنوات بس قالت لي هالشي عادي بس اتوقع مو عادي لان هو مايفهم كلامي كله وهي تبرر له لان الكلام انكليزي مو فاهم لكن هو بالعربي يفهم فهم طفل ابو سنتين يعني يفهم التعليمات البسيطه جيب وهات واجلس وتعال واذا اعطيه شي يوديه المكان لللي اقوله . مايحب الكلام بس لو كان يبي شي يتجاوب. اكثر شي يقلقني هو اعاده وتكرار مشاهد الفيديو بين وبين نفسه،حركه اليد