ارتفاع اسعار الملابس الرجالية وصل بعضها الى 75%

**abadiksa** · 17-08-2011, 11:15 PM

السلام عليكم ورحمة الله وبركاته

من متابعاتي لارتفاع اسعار الملابس الرجالية وذلك في اكثر من مجل وبعضا ارتفع لاكثر من 75% خلال ثلاث سنوات .. ولا حسيب ولا رقيب

ابلاغ وزارة التجارة كان الرد منهم ... بأنه يتوجب ابلاغ البلدية.. وذلك لعدم وجود اي اسعار محددة لقيمة هذة الملابس من قبل المجلات او البلدية

يعني ضاع مال المواطن بين الوزارات

الصورة التالية توضح لكم اسعار الارتفاع الغير مبرر

النصيحة / البحث عن محلات مخزن لديها الملابس لشرائها بالسعر القديم ... وهذا مافعلته انا

وحسبنا الله ونعم الوكيل

**مـ قـ ا طـ ع** · 18-08-2011, 01:18 AM

أشكرك اخي الكريم على مجهودك , ولكن اللي عنده ملابس مخزنه بالسعر القديم راح يستغل ارتفاع السعر ويبيع بالسعر الجديد تعرف الطمع والجشع له دور , إلا اللي عنده ذمة وضمير راح يبيع بالسعر القديم وهم قليل جداً

**الظنون الثايره** · 19-08-2011, 03:55 AM

اللي يشتري من العويس او من اي محل عادي راح يدفع دبل
اللي يروح للمعيقليه او البطحاء راح يوفر كثير
والافضل الواحد يشتري بالدرزن اريح له

**الرئيس** · 19-08-2011, 07:33 AM

كلي الم وحرقة الى ماتوصلنا الية المواد الغذئية والحوم في ارتفاع حتى الدجاج صارلة ريش والسكن في ارتفاع والملابس في ارتفاع والسيارات في ارتفاع وش باقي
الواجب كل تاجر ياخذ دورة وطنية بس فيها رسوب

**abadiksa** · 19-08-2011, 01:48 PM

ايش نقدر نسوي

هذي رقابتنا .... وهذولي تجارنا

وللأسف انه حتى ملابس دروش تفاجئت انها بنفس الاسعار ... مع ردائه الجودة.

والاخي الي يقول خذ من الجملة

انا رحت لموزع الاصيل بنفسة مايبيع الا جمله .... وكان السعر مرتفع جداً ... السراويل القصيرة قيمة الجملة اعتقد 118 ريال !! مع اني العام اخذ من نفس الفرع ب 98 ريال الكرتون

والفانلات الداخلية بـ 124 ريال !!

يعني الغلا مو من المحلات ..

كيف تعرف انه هذا المحل عنده بضاعة مخزة ويبي يبعها وخاصة في مثل هذي الايام على نهاية الموسم؟؟

تلاقيه تلقائياً ينقص لك ريال او ريالين في القطعة اذا جادلت معاه في السعر ... اعرف انه بضاعته قديمة ... وتقدر ماتطلع من عنده الا بالسعر القديم

لانه اذا بضاعته جديدة ماراح يكون عده هامش كبير انه ينقص لك

تنا اشتري من محل في الدمام .. سراويل طويله دروش بـ 13 ريال ... وقالي انا الي عندي مخزن مانزالت جديد ..

موفقين ان شاء الله

**جمرة غضا** · 26-08-2011, 06:44 PM

حياك اخوي ..
اعيد رفع الصورة ..

اقتباس:

ابلاغ وزارة التجارة كان الرد منهم ... بأنه يتوجب ابلاغ البلدية.. وذلك لعدم وجود اي اسعار محددة لقيمة هذة الملابس من قبل المجلات او البلدية

ويطلعون يلمون المستهلك بعدم تعاونه وتبليغه ؟!
حسبي الله على من ضيع الأمانة ..

**جو ساقان** · 27-08-2011, 12:23 AM

انا اشوف انه يجب ان نتخذ خطوات فعليه اما النحيب واللطم لاينفع ولن يلتفت لنا لاوزير ولا حماية مستهلك

ممكن نتفق ونسوي جمعية تعاونية غير رسمية ونجيب كميات من الملابس الداخلية والمستلزمات الرجالية ونوزعها بسعر التكلفة على الاعضاء ولكل عضو كمية لاتقل عن 30 قطعة "له وللزمن " والموضوع سهل مواقع التجارة الالكترونية ماتقصر وعلى راسها موقع علي بابا موقع لكل المصانع الصينية اللي يجيب منها عجلان سراويله يجيب السروال ب3 ريال ويبيعه عندنا 14 ..

هو وش اللي خلاه نائب رئيس غرفة الرياض الا هالسراويل .. العالم تتاجر باجهزة واثاث وسيارات وهامش الربح بسيط .. وهالهامور هامش ربحه مضاعف ثلاث اضعاف .ومسيطر -بحكم موقعه ومنصبه - على الملابس الداخلية بنسبة لاتقل عن 70 بالمئة .. عشان مايقولون محتكر جاب الفوزان ينافسه .

بصراحة بلد يعيث فيه الفساد لدرجة انك لاتكاد تلتقط انفاسك من الرائحة النتنة للفساد غطينا على مصر .

**مقاطع من جدة** · 27-08-2011, 02:24 PM

والله يا جماعة الواحد محتار وش يسوي يعني نقاطع السراويل والفنايل ونجلس عراه ولا وش نسوي !!!!!!!! مستلزمات أساسية يتلاعبون فيها حسبنا الله ونعم الوكيل .

**hazmifw** · 27-08-2011, 02:49 PM

جزاك الله خير على هالأحصائية المتعوب عليها,,,الأولى بالدولة ان تأخذ بها وتحاسب الحرامية من تجار (سعوديين و امراء)......ولكن انت فين و الحكومة فين..الله لنا

**غـــازي** · 27-08-2011, 07:20 PM

لاحول ولا قوة إلا بالله ...