https://www.mqataa.co/vb/showthread.php?t=34470

سبق وتكلمنا وتكلم الكثير عن العفن . ليه سالفة كارفور صارت سالفة .

أنا أعتقد ان هذا تهميش لمشاكلنا ، لأنه أي واحد يطلع الآن ويروح لأي سوق بيلقى عفن ، يعني شي ما هو جديد في اسواقنا . ومستمر طالما فيه اهمال مستمر من الجهات المختصة المؤتمنة على مراقبة ما نأكل وما نشرب.

يعني اللي يشوف فيديو راعي كارفور ، يقول هذا خطأ استثنائي في المدينة الفاضلة ، معناته هذولا مثاليين ، من قاصرها رح لأي سوق وخذ لك صندوق صغير حق فراولة اللي يحبونه الاطفال وشف الصف السفلي ، عفن ودود الى دليم . هذا فقط على سبيل المثال ، يعني هي جت على خيار كارفور ؟؟؟

مثلا اسواق السدحان اللي في الموضوع لازالوا عفن في عفن الى يومك هذا، واللي يبي يشوف يدق سلف ويروح الآن . ونفس الشي ينطبق على جميع الاسواق ....

وانا اختك طهقوا المستهلكين من التلاعبات والعفن والاهمال .. ممكن نصفها بـ ثورة مستهلك ضد التجاوزات التجارية ...

بس انا قصدي استاذتنا انوه ليه صارت خيارات فيها عفن في اسوق كارفور سالفه ؟ والعفن للاسف في كل مكان .

معليش بس راح اتكلم عن محلات يعتقد الكثير بأنها مميزه ، انا في الرياض ، وبحكم قرب المحلات لسكني فأتقضى في اسواق القصيم اللي في المروج وقدامها اسواق الحيالة . بحكم قرب هالمحلات لي . مع ان اسواق الشمال جنبهم، لكن عموما اروح اتقضى الخضار والفواكه منهم وبالذات الحياله. لكن والله فيه اشياء عجب (قصدي عفن) وتقوله لنا الخدامه لما تفرز الخضار والفواكه، يعني موضوعي مع السدحان مو جديد للأسف العفن في كل مكان والاشياء اللي منتهيه صلاحيتها في كل مكان ولحم الحمير في الخطوط السعودية وفي فنادق الدرجة الأولى بالعاصمه ولحوم بايته في مطاعم ماما نورة والايراني ... يعني في كل مكان ... مثلا.

أجل ليه خيار كارفور كان له هذا الوقع الاعلامي ؟؟

هذي كانت نقطتي استاذتنا والكلام لجميع الأعضاء الأعزاء .

ليه صارت خيارات فيها عفن في اسوق كارفور سالفه

ربما طريقة فضح العفن هي السبب ..

كارفر
عليه سوابق كثيره
ومجله بي الصور وبي الفيديو
ارجو مقاطعته
وكارفر مقاطع لعددة اسباب
اولا عدم النضافه في المبيعات اللحوم والخضار
ثايان عدم مقاطعته لل منتجات الدنمرك عندما قام مقاطعته الى يوم واحد فقط
ثالثا انه ليسة شركه وطنيه واموالا ستذهب الى بلاد ليسة عربيه ولا اسلامية فلنضع اموالا لتاجر مسلم افضل في نضري