طال عمر السامع والقارئ

بصفتي سعودي وكما جرت العادة مستأجر شقة
المهم ما لكم في الطويلة
كلمني مكتب العقار يبشرني ويقول
(ترى راعي العمارة يقول لكم ترى الايجار بيزيد الفين ريال)
سألته ليش يرفع الايجار ؟؟
قال أن صاحب العمارة يقول ((كل شيئ ارتفع وهو لازم يرفع بعد))
المهم ان صاحب المكتب قفل الخط وهو يعتذر مني..
طيب اشرح لكم الوضع بإختصار
انا اول واحد سكن عنده في هذي العمارة من اربع سنوات
ادفع الايجار قبل وقته وكامل مع 120ريال زيادة حق الماء وكهرباء الدرج
مع اني ساكن في الدور الارضي لا استخدم الدرج
وإذا خرب شيئ غيرته على طوووول ... والمشكلة أنه في نفس وقت المكالمة
كان السباك اللي علمتكم عنه يغير السخانه والمواسير حقتها
بعد فيه شيئ ما ذكرته
باقي على مدة إنتهاء العقد حق السنة الرابعة شهر فقط

طبعآ انا ناوي اكلم راعي البيت بس قلت اشوف ارائكم قبل

وسلامتكم

كان الله في عونك
كلنا سيم سيم

شوف وش يقولك راعي العماري عشان اتحمس اكلم راعي العماره اللي انا فيها غريب يرفع السعر مع اني حرمه ومسكينه واعول ولدي ولا عائل لي

انا خلاص اكلتها قبلك ورفع علي الفين لابارك الله فيه

وعذره يقول غيري يرفع اكثر
......

انت كلمه وقول له خاف الله وعلى الاقل يرفع 500 مو الفين..... يمكن يطلع يقدر

انا راح اكلمه وإذا اصر على رفع الايجار
بطلع من عنده حتى لو غالي
واتمنى من الله يجيه مستأجر يطلع عيونه ولا يدفع له الايجار
وفيه نقطة ثانية
المفروض يعطيني خبر على الاقل ثلاثة اشهر قبل موعد إنتهاء العقد
وهذي العصا اللي راح استخدمها واخذ ثلاثة اشهر بنفس السعر
وبعدها تكون المدارس خلصت وانقل من الشقة
انشاء الله

الله يهدي الجميع

سبحان الله وكأنهم متفقين على الالفين !!!!!!!!

اذا انتم متفاهمين بالعماره .. خلوكم مثل طاش .. وابن امه يطلعكم من العماره أو حتى يتجرأ يطفي "الكرهب" عليكم ..

حسبنا الله ونعم الوكيل



.

كل شي زاد
عاد الفين مرة وحدة
الا كم شقة عنده في العمارة هالطماع

لاتعطيه الا سعر الايجار السابق واذا يبقى زيادة خله يدوخ بالمحاكم ووقتها دور لك على بيت ثاني، اعطه فلوس الايجار السابق وقله استنى علي شوي ، وخلك على كذا الى ان يكره نفسه ويقول ياليت وياعسى، واذا شفته تذاكي اعطه الايجار السابق طبعا بمستند وقله مافي الا هاذي تبيها والا الفاصل بيني وبينك النظام. وبتشوف بعدها راح انه ينظم ويعرف ان الله حق.

الله ييسر لك وللمسلمين

ياأخوان نحن المواطنين من أهم أسباب رفع الأسعار لماذا ؟
من يملك المساكن والأراضي والعقارات , من يرفع أسعارها
من يزاحم لشراء السلع المرتفعة ويقول بعضهم لا تحرم نفسك ترى الفرق ريال أو ريالين.
نرد عليهم ونقول الريال والريالين نعطيها للفقراء والمحتاجين بدل ما ياخذها تاجر بشع.
مرة أحد اقاربي كان يتكلم بحرقة عن ارتفاع الأسعار ويسب ويلعن ، وهو نفسه رافع إيجار الدور العلوي لبيته من (21.000) إلى (26.000) مع إن بيته نص عمر.
ومرة أحد المواطنين يملك مطعم فيقول بأرفع أسعار مطعمي لأن صاحب الشقة رفع علي الإيجار بدون مبرر. همي نفسي إذا كان غيري مادرى عني
نعيب زماننا وما لزماننا عيب سوانا