نقل الطالبات والمعلمات .. مؤسسات وهميه ومحتاله

**ابافهد** · 10-09-2011, 02:22 PM

بسم الله الرحمن الرحيم

كل عام وانتم بخير

موضوعي نقل الطالبات والمعلمات ..

بأختصر اخواني ..

من اسبوعين او ااسبوع اتفقت مع احد الشركات لنقل اختي وبعض زميلاتها
من الحي اللي اسكن فيه الى جامعة الملك سعود السنه التحضيريه ..

اتفقت معهم
وقالوا لي السياره 2011 مكيفه
وعدد الطالبات مايتجاوز الـ 10 واقصى 12
وراح يكون اغلب الطالبات نفس الحي وعلى طريق الجامعه ...

اتصلوا بي امس .. حتى اجي واوصف لهم البيت
وشاهد السائق يمني ..
وطلبت منهم اشاهد السياره نفسها
وقالوا لي السياره خلف المببنى بالحاره
وعند مشاهدتي للاستماره واسماء احياء البنات تفاجأت
بأن هناك بنات بحي لبن والعريجاء واحياء بعيده جدا عن حي السويدي وليست على الطريق ابدا

واخبرتهم وقالوا .. الان الاسماء وبعدين نرتب البنات .. قلت اوكي
وطلبت مشاهدة الباص .. وكلمت السائق واخذ يلف ويدور وقلت ماراح ادفع الا اشوف الباص وكم موديله .. قال لي موديله 2008
قلت ليش .. هم قالوا جديد 2011
قال ماعليه ولا فيه فرق ومن هالكلام .. انا الان مادفعت
قلت انتم الان خذوا الوصف وبكره اجيكم اقصد السبت اليوم ..

تفاجأت اليوم من اختي
تقول الباص فللل 12 طالبه
والادهى والأمر .. راح مر الطالبه اللي في لبن مخرج 33
ثم رجع ثانيه لمخرج

25 و بعدها الى الدائري الشرقي
ومن البيت الى الجامعه 2.30

((يعني نصب عيني عينك .. انا اليوم بروح لهم واتفاهم معهم صدق

))

كتبت هالمعلومه لأخذا الحيطه والحذر ..

لو فيه مجال . اكتب اسم الشرطه
كتبته .. لكن نخشى من عين الرقيب ..

تحياتي لكم وموفقين