شي يقهررررررررر ..

**بدر11** · 14-08-2011, 11:48 PM

اسعد الله اوقاتكم بكل خير ..

اليوم واحد من الاخوان يقولي انه تقاعد وهو عسكري في الحرس الوطني وخدم اكثر من 25 سنه وكان راتبه تقريبا 7 الاف ريال ..

الطامه الكبرى لما قالي ان راتبه الحين 1800 ريال ؟؟!!!!!!!

بعد كل هالمده من الخدمه يكافاء بخصم ثلثين راتبه ..

7 الاف ولا قدر يواجه الغلاء والحين 1800 ريال بيقدر يعيش بها ؟؟ وهو في بيت ايجار ؟؟؟؟؟

مادري هل دول العالم زينا يعني عند التقاعد يتطير اكثر من 70% تقريبا من الراتب ؟؟

ماعتقد لاننا دوله تغرد خارج السرب ايرادات بالتلريونات والمواطن ماكل تراب ..

.

**hajmutwally** · 14-08-2011, 11:53 PM

المشكلة الأساسية ان العسكريين رواتبهم قليله و بدلاتهم كثيره ...

والتقاعد يحسب على اساس الراتب وليس الراتب و البدلات

**هذا انا** · 15-08-2011, 12:21 AM

هذا مشكله نظام خدمه الافراد للعسكريين كل الراتب بدلات .... بدل اعاشه+بدل نقل+ بدل تخصص+بدل خطر+ بدل ارهاب... واذا تقاعد خلاص كلها تروح
فالمفترض ان تثبت هذه البدلات....مثل بدل غلاء المعيشه
ولكن........دراسه *دراسه

**بدر11** · 15-08-2011, 02:37 AM

طيب وش ذنب هالمسكين وغيره من اللي تقاعدو على رواتب 1800 ريال ؟؟؟

بصراحه تذكرتني الدوله بسوق الغنم

تروح للسوق وتشتري لك خروف تشوفه كانه بغل ( تكرمون ) مو خروف ولا وديته المسلخ وذبحوه وسلخوه طلع كانه قطو من صغره ..

لان اللي يبيعون الغنم النصابين يثبت الخروف على فخذه عشان لامسكت ضهره الا هو كبير وغير كذا يملون بطنه بماء وملح عشان يكبر حجمه ..

والحين الدوله تعطي هالعسكريين رواتب 7 و8 واكثر وكلها نفخ بالبدلات ولاتقاعد يطلع 1800 ريال

**أبوخالد** · 15-08-2011, 02:48 AM

أسأل أخونا العضو "أبوتركي" كان الله في عونه وأمثاله، له موضوع وتوقيع يتحدث عن تلك المعضلة.

الواجب أن ينظر بجدية لرواتب العسكريين وتعديل أنظمتها البائدة وغير المنصفة لمن يعدون بعد الله

مصدر حماية للبلد وأهله، والخط الأول في مواجهة الأخطار.

من نوادر العسكرية ونظام رواتبها.. بالنسبة لرتبة رئيس رقباء يكون راتبه بحدود 15000 ريال

يزيد أو ينقص، بمجرد ترقيته للرتبة التالية "ملازم" ينقص راتبه بالآلاف !! عجبي.

من لهم بعد الله؟!! ومن سينظر في أمورهم؟؟!! نسأل الله أن يقيض لهم يدآ تنتشلهم مما هم فيه.

**مـ قـ ا طـ ع** · 16-08-2011, 12:32 AM

اللي كاسبها في العسكرية هم الضباط , راحه ورواتب , والمكروفين هم الأفراد

**رفيع المقام** · 16-08-2011, 02:14 AM

الحين الملك الله يسلمه مو قايل أقل شي يستلمه الموظف السعودي 3000 ريال
المفروض تكون هذي بدون بدلات
ومع سنوات الخدمه تزيد وتزيد هذا المفروض
الله يكون فالعون

**بدر11** · 16-08-2011, 02:17 AM

اقتباس:

المشاركة الأصلية كتبت بواسطة رفيع المقام

الحين الملك الله يسلمه مو قايل أقل شي يستلمه الموظف السعودي 3000 ريال
المفروض تكون هذي بدون بدلات
ومع سنوات الخدمه تزيد وتزيد هذا المفروض
الله يكون فالعون

قال الملك واصدر قرارات بس المشكله في العساف اللي كانه يصرف من جيبه ..بعد صدور القرارت بالزياده صرح العساف بأنها لاتشمل المتقاعدين مع انهم الاحق في الزياده ...حسبي الله عليه من وزير فاسد.