قصيده في مقاطعة وكلاء السيارات

**اخونوره** · 05-01-2009, 10:54 AM

( خلوها تصدي )

الوكيل إلى تهادن مع نظيره
وارفعوا سعر المواتر في تحدي
معلنين تخفيضها في كل ديره
وعنـدنـا زادوا وملـزوم نـردي
إستغلوا طيب صافين السريره
وغرهم مافيه أحد قدك وقـــدي
قاطعـوها يعتبر مثلـه وغيــره
عندهم تكفون " خلوها تصدي "
عقبها التاجر يبي يطرد شويره
ماعطاه الشور والنصح المقدي
غرره من شاوره واقنع خشيره
وقال له لاق الصياح وصح تعدي
يحسبون الناس غشم بدون غيره
قاطعوها خلوا الموضوع جــــدي
وصلوها كل أمير وكل أميره
وخـلوا اللي لا يجيب ولا يـــودي
الطمع قالوا طبع يعمي البصيرة
وما عن مقاطعتك يا لطماع بـدي
ياعسى يا أحبابنا في الأمرخيره
خلها تصدي لهم رادع وحــــدي