ياجماعة الخير والله مقاطعتكم جابت نتيجة قبل شوي كنت بأحد السوبر ماركات الكبيرة وسيارة المراعي عند السوق المندوب وهو معصب ومتنرفز يحمل رجيع الأسبوع الماضي ويحاول ينزل دفعة الأسبوع الحالي ورفض صاحب المحل ينزل الدفعة الجديدة من المنتجات كاملة .
وقال له بالحرف الواحد : -
( بضاعتكم ما صار له سوق عندنا ووجودها صار يسبب ضيق بالثلاجات للمنتجات الثانية وغيرها هي اللي ماشي سوقها ) .
رحت اشوف الثلاجات والله وكل الألبان بجميع منتجاتها من المراعي والصافي على حطتها ما تحركت .
سالت موزع المراعي وكان واقف عند الثلاجة يعد الصناديق اللي بيحملها رجيع
وش السالفة ؟ ؟ ؟
قال بالحرف الواحد
كلة من المقاطعة ! ! !
هي جت على اللبن كل شي بيغلى اش معنى اللبن يعني ! ؟
سالتة وش عرفك انها مقاطعة ؟ ؟ ؟
قال : نادر جداً ما نرجع بصندوق واحد من محل واحد حتي ايام الشتاء واليوم زي ما نت شايف كل الصناديق هذي بترجع والسبب حملة المقاطعة بالجوال والأنترنت هي السبب
ويقول لو استمر الوضع على كذا اسبوع ثاني احتمال الشركة تتدهور ووتكبد خساير كبيرة .
لاحظت اكثر السحب على البان الخرج والخبراء سالت العامل لية علية سحب دون البقية ؟
قال : سعرها على ما هو علية ما تغير .
وعاد انا اقول
وبحسبة بسيطة بعد معرفة عدد أبقار ألبان المراعي من المندوب وعدد ما تنتجه يومياً من الحليب تكون محصلة بيع الألبان والحليب فقط دون باقي المنتجات يومياً تعادل أكثر من خمسة ملايين ريال سعودي...
فالمقاطعة عشرة أيام فيها خمسين مليون ريال
إذا المقاطعة ستجدي بإذن الله تعالى ...
سنقاطعهم لا عشرة أيام ولا شهر
بل حتى ترجع الأسعار إلى ما كانت عليه سابقاً
والبدائل ولله الحمد كثيرة
جميع الألبان الموجودة في محلات منتوجات القصيم والتي تأتي من المزارع ، ولو كانت أرفع لكنها لم ترتفع مؤخراً بل ثابتة على سعرها وهي على الأقل أضمن من إضافة البودرة وغيرها من
البان الخبراء والخرج التي لا زالت ثابتة اسعارها .
" وماحد يموت من الجوع "
وخلوها عندهم تخيس
تحياتي لكم ، ، ،

سنقاطعهم لا عشرة أيام ولا شهر
بل حتى ترجع الأسعار إلى ما كانت عليه سابقاً

مقاطعين جميع الشركات ومنتوجاتها اقل شي لشهر وان استمروا استمرينا في المقاطعة
مشكور على الخبر

حياك الله اخوووي والمقاطعة راح تسمر الى ان ترجع الاسعار الى سابق عهدها

بارك الله فيك على هذا الخبر أخي الكريم.


يدا بيد نضع للغلاء حد.

اهم شي المقاطعة تكون قول وفعل
والعزيمة قوية والتواصي بيننا في جعل الاسعار تنتحر
وانت يمواطن مستهلك انت حامي نفسك ما هي ادارة حماية المستهلك
عاد من زين اللبن كله بودره والله لو انه لبن صافي وحقيقي ما يكفي السعودية ابقار هولندا ولا غيرها
على العموم الله يوفق الجميع

نعم
((يدا بيد نضع للغلاء حد))

يا اخوان نطالب في تمديد المقاطعة ولنجعها اقل شيء شهر . مع اني مستمر بالمقاطعة حتى اشعار آخر

يا اخوان ويا ادارة وسعوا المقاطعة اكبر واكبر والله يكون في عوننا

السلام عليكم يا اخوان اثبتنا نقلة قوية ولله الحمد الاهم والاقوي الابتعاد عن المنتج لمدة شهر وبعدها شاهدو الفرق ولا تنسو الرسائل لا تخلوها اسبوع لا تكفي بل شهر شهر معناه دمار شامل للشركة وسوف تعرض منتجها بسعر ريال واحد اذكركم ههههه المصيبة حليب مجفف مستورد اجل نسوية بالبيوت سهله العملية والله روبة وانتهت يقولون ارتفعت الاسعار عليهم اكبر منافقين شركة المراعي استمرو بالمقاطعة:d