سلام عليكم

ناوي اتقضى للبيت من الموا د البلاستيكيه

اكياس صغيرة,اكياس قماما,سماط او سفره,قصدير,تغليف بلاستيك,مناديل

وش احسن مكان احصل سعر حلو في الرياض

المحلات اللى عند سوق خضار الشمال والا محلات ابوريالين والا مركز المنتجات الوطنية

اللى عنده خبره لايبخل علينا

ومشكورين مقدم

اهل الجملة تختلف الاسعار من جملة الى جملة للاسف مافيه تسعيرة تضبط اخذت كاسات الكيك الورقية الصغيرة من الغيث 1000بعشرة واخذت نفس الحجم والعدد من باوزيرب7
وكل شي اخذته من الغيث لقيته عند باوزير اقل بريال او ريالين موبي مسك لغسيل اليدين ب20في باوزير
وعندالغيث ب22 اما الاكياس والبلاستيك الماركات تختلف ومادري اذا هذا سبب التفاوت
ابو ريالين بريالين لكن كميه قليلة السوبرماركت اسعارهم نااار

المشاركة الأصلية كتبت بواسطة دلال2

اهل الجملة تختلف الاسعار من جملة الى جملة للاسف مافيه تسعيرة تضبط اخذت كاسات الكيك الورقية الصغيرة من الغيث 1000بعشرة واخذت نفس الحجم والعدد من باوزيرب7
وكل شي اخذته من الغيث لقيته عند باوزير اقل بريال او ريالين موبي مسك لغسيل اليدين ب20في باوزير
وعندالغيث ب22 اما الاكياس والبلاستيك الماركات تختلف ومادري اذا هذا سبب التفاوت
ابو ريالين بريالين لكن كميه قليلة السوبرماركت اسعارهم نااار

حياك اختي
الغيث مايبيع هالنوع من ورق الكب كيك



هالنوع يباع عند ملتقى الخبازين لكن ابي اشوف ان كان يباع عند الغيث او الصفه اللي جنبه اقرب لي من ملتقى الخبازين

المشاركة الأصلية كتبت بواسطة جمرة غضا التميمية

حياك اختي
الغيث مايبيع هالنوع من ورق الكب كيك



هالنوع يباع عند ملتقى الخبازين لكن ابي اشوف ان كان يباع عند الغيث او الصفه اللي جنبه اقرب لي من ملتقى الخبازين

وين القيه ذا يهبل اموت علي الاشكال الجديده

المشاركة الأصلية كتبت بواسطة دلـــع07

وين القيه ذا يهبل اموت علي الاشكال الجديده

اسفه على التاخر بالرد
انا كاتبة تحت الصورة تلقينه عند ملتقى الخبازين .. وتافولا

تفضل يا اخوي
https://www.mqataa.co/vb/showthread.php?t=24717

مشكورين وماقصرتوا

بس وين كوبري الخالديه ومحلات الغيث وباوزير

المشاركة الأصلية كتبت بواسطة saudss

مشكورين وماقصرتوا

بس وين كوبري الخالديه ومحلات الغيث وباوزير

لعل ياتي عضو يفيدك بوصفه بالتحديد
لكن اعتقد حول الصناعية

المشاركة الأصلية كتبت بواسطة saudss

مشكورين وماقصرتوا

بس وين كوبري الخالديه ومحلات الغيث وباوزير

-- للأسف الشديد حتى محلات الجملة تختلف أسعارهم فيجب الانتباه لذلك .

- محلات الجملة للمواد البلاستيكية :

1- بالخالدية ( امتداد طريق الخرج القديم باتجاه الشمال )
(أ- لما تتعدى اشارة مصنع اسمنت اليمامة وانت متجها شمال باتجاه الصناعية القديمة للسيارات )(ب- يجيك كبرى (هذا الكبري على طريق الخرج و بين الخالدية وغبيراء ) خلك تحت الكبرىمتجها شمال ( لا تطلع فوقه) تجيك الاشارة الأولى تعديها - ثم الاشارة الثانية يجووووووووووووونك محلات كثيرة لمواد البلاستيكية والمنظفات على يمينك ) .

- وإذا كنت جاي من الصناعية من الشمال باتجاه الجنوب .
فبعد ماتتعدى اشارة الصناعية تقاطع العنوز طريق الخرج وتتعدى السالم للزجاج
يجيك الكبرى من تحت الكبرى ترجع مرة ثانية شمالا يجونك على اليمين .

2- توجد محلات اخرى في سوق الربوةعلى الدائري الشرقي ( وانت متجها شمال قبل مخرج 14 يجيك الغيث على يمينه خلف الغيث داخل المجمع من الشرق محلات أرخص بكثير من الغيث
من هذه المحلات محل اسمه الخزيم أو الخزيمي - اسعاره رائعة جدا وعليه اقبال - ومايمنع الواحد يسعر .
لأنهم للأسف تجدهم يخفضون اسعار بعض البضائع ويزيدون في اسعار أخرى.
والله يعينا عليهم ونسأل الله أن يمحق تجارة كل جشع وغشاش ,,,,

الغيث وباوزير حول عتيقة وفيه باوزير مقابل شرطة العزيزية وفيه الغيث جنب جملة الخضار حول النقل الجماعي ويمكن باوزير هناك بعد
الاستاذة جمرة غضا ورق الكيك قصدت هالشكل
انا اسوي فيه البسبوسة واضع فيه الحلا والتمر