ياشباب

أنتبهو من قطع غيار السيارات من محل التقوى واعتقد انه معروف عند كل مالكي سيارات الفورد

أنا رايح الاسبوع الماضي علشان أشتري كيبل الكابح (( أو الجلنط )) الخلفي لسيارتي

ورحت لمحل التقوى وهو معروف في قطع غيار سيارات الفورد ، وسألته عن القطعة وقال : موجود
طيب بكم قال : 145ريال
قلت أبغى أشوف القطعة قبل مااشتريها
قال : أدفع أول ثم اجيبها لك
قلت : لا لازم أشوف القطعة علشان أتأكد منها ممكن تكون وحده ثانية >>> طبعا ماوافق

رحت للورشة مرة ثانية علشان أتأكد من القطعة ورجعت مرة اخرى لمحل التقوى
وقلت له جيب القطعة ابشتريها وجابلي القطعة وفتح لي الكرتون
>>>> ولكن القطعة ومن أول نظرة أعتقدت أنها مستعملة وواضح من الحديد الموجود فيها لونه أسود وكأنه مصدي
طبعا شككت في صحة كلامة وانها جديدة

في النهاية رفضت شرائها علشان أرتاح وأريح نفسي لان القطعة ماتنهضم أبدا >>>> مستعملة

قلت أروح للوكالة علشان أتاكد >>>> ماحصلتها عند توكيلات الجزية ويقولون أنها غير موجودة في الرياض وعليها طلبية من جدة >>>> بصراحة وكالة الجزيرة تعبانة >>> قالو لي رح للحاج حسين علي رضا تحصلها عندهم

رحت للحاج حسين وحصلت القطعة عندهم وفعلا كان هناك إختلاف كبير بين القطعتين (( أقصد عند محل التقوى ))
القطعة اللي عند الحاج حسين جديدة وواضح من شكلها >>>> مافي كلام وسعرها 185ريال

أعتقد أن هذا الكلام أبلغ

فعلا هناك تلاعب في قطع الغيار وخصوصا المشتراة من المحلات الفرعية

ياشباب لاأحد يشتري من محلات التقوى تراهم نصابين

رح للحاج حسين أو الجزيرة إذا كنت تبغى القطع الاصلية وغيرهم لا حتى لو كان فيه فرق في السعر


أيضا أذكر الصيف الماضي شريت الكلش حق المكيف من محل التقوى بــ 400 ريال >> طبع أصلي
ولكن بعد تركيبه باسبوعين صار يطلع منه صوت قوي شوي وأروح لهم يقولون مافيه ضمان على الاجهزة الكهربائية؟؟

والمصيبة الكبرى وبعد 6 أشهر تبين لي ومن خلال أحد الكهربائيين ان القطعة غير أصلية لان أحد القطع في الكلش ليست أصلية من الاساس

تنبيه لاأقل ولاأكثر

جـزاك الله خـير ..

مع إني ما أمتـلك سيارة فـورد ولكن استفـدت من تجربـتـك

محل التقوى صاحبه فلسطيني
اعرف اخوه مشرف على الفرع اللى خميس مشيط مستأجر فيلا بـ 40 الف سنويا

المشاركة الأصلية كتبت بواسطة النجراني

محل التقوى صاحبه فلسطيني
اعرف اخوه مشرف على الفرع اللى خميس مشيط مستأجر فيلا بـ 40 الف سنويا

تحياتي لك اخوي
بس على مااعتقد ان صاحب شركة التقوى فلان العتيبي(((بالضبط ماعرف اسمة))
قبل كم سنة صارة معة مقابلة في الكلية التقنية في الرياض وانا كنت موجود...
تقبل مروري

المشاركة الأصلية كتبت بواسطة سيدالبيانكونيري

تحياتي لك اخوي
بس على مااعتقد ان صاحب شركة التقوى فلان العتيبي(((بالضبط ماعرف اسمة))
قبل كم سنة صارة معة مقابلة في الكلية التقنية في الرياض وانا كنت موجود...
تقبل مروري

صحيح اسمه عويض العتيبي وهو انسان عصامي واشوفه دايم في فرع الجمعيه ويقعد يشرح لزباينه الاصلي والتجاري والمقلد بصراحه ماكنت اعرف الفرق بينهم بس بعد ما شرحلي فهمت ان الاصلي بضاعه من الشركه الام (المصنعه) والتجاري من شركات تجاريه بسعر ارخص من الاصلي وجوده جيده والمقلد بضاعه غير جيده وكرتون مثل الاصلي والتقوى تبيع الاصلي والتجاري وليسى المقلد . هذا من واقع تجربه سألت عن فرامل امامي عند التقوى قال 300 وعند الجزيره 360 وشريت القطعه ورحت للجزيره وقلت هذي القطعه اصليه قال نعم . وهذي شهادة حق في حق الرجل الفاضل
الرابط http://www.ecoworld-mag.com/detail.a...plateKey=print

مااستبعد ذا الشيء

الحين

وطالما وزارة التجارة نايمة توقع اكثر واكثر

هذه من مشاكل فورد
دائما سلك الكابح ينقطع

حتى اخوي شرى منهم قطعه واكتش بعدين انها ماهي اصليه حسبي الله عليهم

الله يخلي توتو يعني تويوتا

الله يعينكم على سيارتكم

اقول ليش ماتشترو القطع من دول الخليج الباقيه