السلام عليكم ورحمة الله وبركاته
اخواني انا امتلك هوندا اكورد 2009 وتم استدعاء الاكورد 2008-2009 من قبل الوكيل لاصلاح عيب مصنعي يتعلق بالكليبر المسئول عن الفحمات الخلفية وكما هو معلوم لدى ملاك الاكورد استهلاك الفحمات الخلفية بشكل سريع علما ان الاستدعاء تم بناءعلى توصيات من الشركة الام وليس تفضل من الوكيل المهم ياخوان رحت للوكالة اللي بفرع خريص وقلتلهم بدخل سيارتي قالولي اوكي كم صيانة سويت عندنا!! انا استغربت من سؤاله قلتله وش دخل الصيانات بالموضوع انا سيارتي من اول ماستلمته والعيب المصنعي موجود باعتراف الشركة الام والعيوب المصنعية كما هو معروف يتم اصلاحها مجاني حتى لو تعديت فترة الضمان علما ان سيارتي لازالت تحت الضمان ..
في النهاية قال اسف مانصلح سيارتك الا لما تسوي صيانة عندنا بسبب عدم التزامك بالصيانات !!!!
قلتله معصي والله مادفع هللة وحدة ومايردني الا الشركة الام وهوندا الشرق الاوسط اللي في دبي والله ياخوان يوم قلتله هالكلام قمط وقام يهديني وقالي معليش انا ماقدر اسويلك شي.
والله ياخوان شي يقهر ادفع على السيارة 85الف ويطلع فيها عيب مصنعي ويطالبني ادفع لاصلاح العيب المصنعي لاكن والله ثم والله يانا ياعبدالله هاشم وبيني وبينه الشركة الام وفرع هوندا الشرق الاوسط وان شاء الله بياخذون حقي من هالطمااااع.
وسامحوني عالاطالة ومشكوووووورين.......

ماضاع حق وراه مطالب وانا اخوك لاتخليهم ارسل ايميلات وازعجهم بالاتصالات تراهم يخافون من الاداره اللي بالامارات هوندا الشرق الاوسط

للاسف اخي

اخر مايفكر فيه الوكيل انت

لاادري والله متى نقدر نأخذ حقوقنا من الوكلاء حقين السيارات

والله 85 الف او 500 الف ولاطقو خبر

هنا قوه تسويق و تصريف البضائع

ولكن عند الصيانة يـــــــــــــتـــــــــــــدربــــــــــــــــــو ن عـــــــلـــــــــــيــــــــــــنــــــــــــــــ ـا
في كل شئ

صدق من قال شر البليلة مايضكو

دول نصابين كان بسيارتي مشكله إنثقب أنبوب الزيت الضخ العالي وهو عيب مصنعي وقت عرف أخي بالمشكله عن طريق صاحبه وأنا سيارتي دايم أصلحها بالوكاله رفضوا إصلاحها لأنهم وقت ضربوا على الكمبيوتر طلع أن السياره تم تصليح العيب المصنعي بسنة 2008 وأنا متأكده بأنني لم أدخلها بهيك عطل ورفضوا تصليحها!!!!!!!!!