الحقيقة جالس افكر طول الفترة لو حنا في الخارج الشركات تهتم في الزبون هو المحور الاول وهو سبب اقامة المشاريع ، بعكس الشركات الي عندنا لا أعلم بأي ادارة تدار ولا أعلم كيف تعمل عكس الدنيا كلها ، الزبون هو المهم وهو قبل كل شي بس هم عكس ما ادري متى يصحون .............

اشرقات وتباشير

احس ان مقاطعتنا للمراعي سوف تعلمهم كيف يجعلون المستهلك هو أهم شخص في قائمتهم ويتاكدون من ولائة قبل عمل اي خطوه تظر الشركة....
سوف تستفيد شركات أخرى من هذه المقاطعة تغير سياسيتها للعميل ....

يا شباب افخروا وارفعوا روسكم ....

المستهلك عندنا سار له قوه فاجئتم الكثير من الشركات لأنهم كانوا غافلين وينظرون لنا كسذج واغبياء ما يلقى لنا نشترية بدون أن ننتبه لأي شي .......

غداً نريد أن نرى المراعي 2لتر 5ريال 1لتر 3ريال قشطة 2ريال غير كذا المقاطعة مستمرة أما نفوز او تفوزون

اضرب المربوط يخاف المنفلت
واذا اضربت باوجع
تبي الشركات تحترمك افرضك احترامك عليهم ..

التفاؤل طيب
الشركات عندنا تدار من قبل أشخاص مصالحهم الشخصية أهم من مصالح الشركة نفسها فما بالك بمصالح المستهلك .... من تجربه عمل في شركة كبيرة كان المسؤول يريد فائدته هو قبل تقديم أي إستشارة أو مشروع لصاحب العمل يعني إذا ما فيه فايدة مادية له شخصيا من الإقتراح لا يوصله لمالك الشركة .
و ايضا تدار من قبل لوبي لجنسية معينه هي من يستنفع و غيرهم عليه العوض حتى لو كان على حساب صاحب الشركة نفسها .

المشاركة الأصلية كتبت بواسطة ابراهيم2011

غداً نريد أن نرى المراعي 2لتر 5ريال 1لتر 3ريال قشطة 2ريال غير كذا المقاطعة مستمرة أما نفوز او تفوزون

انشاء الله ما نشوف المراعي ابد ..... والله اني احس اني كرهت هالشركه

لو ببلاش ما اخذتهااااااااااا

مالها الا تخضع لمطالب المستهلك الي عزها ورزها
غير كذا .. تكون المراعي وراء الشمس : )

,,

لو كنت مكان شركة المراعي حليت المشكلة باأسرع وقت قبل لاتكبر المشكلة
لاني ملاحظ يوم عن يوم يزيد غيظ المستهلكين
وهذا بالطبع مو من صالح الشركة وراح تتأثر المبيعات بشكل كبير

نصيحة أخويه :
,,,,,,,,,,,,,أنقذي نفسك يالمراعي قبل لاتفقدين السيطرة والتحكم بالامور!! ,,,,,,,,,,,,

والله ياخوي المشكلة فينا حنا ...

انا قابلت نوعيتين من المواطنين كل نوعية اسخف من الثانية

1- النوعية الاولى ( ما يهمه راتبه ممتاز ) : و هالنوعية يقولون وقفت على ريال حنا خسرنا في سوق الاسهم مئات الالوف . بالله هذا منطق
زي هذا ودك يدور الريال بعدين ولا يحصله .
منطق سخيف نقوله ياخي وصلت الارتفاعات ل 100 % خلال ثلاث سنوات
يقول يا عمي مشي حالك

2- النوعية الثانية ( يحب المراعي ) : و هالنوعية بقرة المراعي اعتبرها اعقل منه .
تقول له فيه بدائل ثانية يقول ابي المراعي تقول طيب قاطع و تنزل المراعي يقول ما راح تفيد المقاطعة
طيب ما راح تموت لو شربت لبن ثاني . يقول انتم من جدكم المراعي بتسمع لكم !!

طبعا الحمد لله ان هالنوعيتين قلة و مثل هالنوعيتين نبيهم زكاة المواطنين على المراعي ولو بعد تاخذهم المراعي تربيهم عندها بيكون احسن ع الاقل بيحصلون على اللبن طازج و من الضرع مباشرة

اخشى وكل ما اخشى ان تاتي شركات
جديده في السوق الالبان
او المراعي تشتري شركه من الشركات الصغير من شركات الابان
اوما ((شراء الاسم )) شركه صغيره
المقاطعه مستمره والشراء من الشركات التي لها صيت في البلد وليس المجهوله

المشاركة الأصلية كتبت بواسطة عبد العزيز

اخشى وكل ما اخشى ان تاتي شركات
جديده في السوق الالبان
او المراعي تشتري شركه من الشركات الصغير من شركات الابان
اوما ((شراء الاسم )) شركه صغيره
المقاطعه مستمره والشراء من الشركات التي لها صيت في البلد وليس المجهوله

اذا كنت تقصد المراعي ما تقدر لأنها شركة مساهمة لازم تعلن عن شراء شركة البان ولكن تستطيع ان تشتري اسهم شركة ماء تملك اسهم مثل شركة نادك تشتري نسبة من اسهمها حتى لو قامت بهذه الخطوه ما تفيدها لانها استثمارات تعتمد على المخاطرة بينما استثمارهم الحالي مضمون الربح بس مع المقاطعة الحالية غير مضمون الربح الشركة لازم تغير سياستها وهذا الي اتوقعه سوف تهتم وتضع افكارها للمستهلك لأنه هو الوحيد الي يثري هذه الشركة ويعظم رأس مالها

ياشباب المقاطعة ثرية أثرتنا بشياء كثيرة مثلكم افكار جميلة واستنتاجات اجمل
يوم من الايام بيكون لكم فضل بعد الله بتغيير اسعار منتجات كثيرة انت تخدمون انفسكم وتخدمون غيركم