01-09-2007, 09:19 AM
|
#1
|
|
مشرف
رقـم العضويــة: 49
تاريخ التسجيل: Aug 2007
المشـــاركـات: 714
|
مؤشر الفساد في وزير تجارة البلاد لقصم ظهور العباد !!!
يا ناس غريبة !!!
طماط هذا والا سهم خشاشي !!!
يا ناس تأكدوا !!!
أخاف انه مدرج في سوق الاسهم وانا ما أدري !!!
كيلو الطمام قبل اسبوعين بـ 2 ريال والاسبوع الحالي وصل سعره 7 ريال !!!
تخيلوا 7 ريال !!!
الصندوق الصغير كنت اشتريه قدام المسجد بـ 5 ريال واليوم بعد صلاة الجمعة لقيت واحد يبيعه قدامي يبيع الصندوق بـ 15 ريال وأنا أقول في نفسيي وش هالنصاب؟ ... طلعت انا اللي غبي وما أدري وش الدنيا عليه من حال
كيلو طماط بـ 7 ريال !!!!
رجعنا لطير ياللي !!!
رجعوا التجار يبيعونه برا للبنان والامارات !!!
يا ناس وش دخلنا بلبنان ... ديرة العميان !!!
اذكر ان الطماط ارتفع سعره قبل اشهر بسبب حرب لبنان ... وبسبب ان مزارعهم تعرضت للدمار جعل ديرتهم كلها للدمار !!!
طيب الحين وش السبب !!! لا حرب ولا هم يحزنزن !!!
وش السبب يا أخوان ؟!!!
والا رجعوا يبيعونه للأمارات ؟!!!
والله لاقينا التجار !!
والديرة ما عندك أحد !!! لا وزير التجارة ولا غيره
تلقون التجار راح يصرفون بضاعتهم للأمارات منها يبيعون بسعر عالي ومنها يخلون سعر الطمام يرتفع في السعودية بسبب قلة المعروض ... يعني عصفورين بحجر ... يعني نفس حركة ارتفاع الاسمنت ... راحوا يبيعونه الاسمنت لدول الخليج ولبنان علشان يرتفع سعره هنا ولا عاد ينزل
كلما ارادوا التجار رفع سعر منتج محلي في السعودية ... راح يصدرونه ... ووزير التجارة يدلهم الطريق ... يعني الدعوى لعب في لعب !!!
صارت بالاسمنت
والفواكة والخضار
والآن الطماطم
وبكرة يمكن يرفعون سعر القمح لهذا السبب ( ويمكن يتعذرون بأي سبب آخر ... يمكن يجي يوم يقولون أن سبب ارتفاع القمح أنه فيه صامولة صاحت في مكينة صوامع الغلال ولا لقيناها إلى الآن هههههه )
يا ناس قولوا لي سبب مقنع لارتفاع سعر الطماط
هل هو له علاقة باليورو ... بس هو منتج محلي !!!
هل هو لا علاقة بانخفاض الدولار ... أقول لكم منتج محلي !!!
هل هو بسبب ارتفاع المواد الخام .... اقول لك طماط ما تفهم ما فيه مواد خام !!!
هل هو بسبب ارتفاع البترول .... اقول لك بالعكس الديزل والبنزين لم ترتفع اسعارهم !!!
إذن هو بسبب فساد التجار ومن قبلهم بسبب فساد وزارة التجارة ( الفقر ) ...
ومؤشر فسادهم يحكمه سعر الطاطم ... فهو اذا ارتفع فمعناه ان التجار قاموا بتصديره للخارج رغم حاجة البلاد للطماطم... وأذا رجع لسعره معناه أن الطاطم موجود بكثرة
وسلامتكم
|
|
|
|
|
___________________________
|
|
|
العرض الشجري