المشاركة الأصلية كتبت بواسطة كيموس القديم

بتتعب وانت تحاول تثبت وجهة نظرك اخوي وبالاخير مابيجيك الا وصف انك كذاب وراعي شركه سيارات وتبي تصرف سياراتك او انك موظف عند عبداللطيف جميل بالتحديد ورزقك من عندهـ وان المقاطعه ناجحه وانت بتنفصل....

قلتها من اول وعدتها وكررتها ورغم كذا ماجاني الا مثل ماجاك ومهما تتكلم بادله وغيرهـ محد بيرد عليك بعقل واعي...

طالبت من البدايه بتحديد الاسعار وتثبيتها بنفس سعر المصانع الكاش ونطالب بتسهيلات شرائيه على الايجار المنتهي بالتمليك والتقسيط والصيانه بحيث تصير الفائده السنويه على الايجار ماتتعدى 5% شامله التأمين وطالبت بمرونه بالصيانه وتوفير سياره بديله للعميل في حالة ان سيارته عندهم واجور منخفضه اكثر للصيانه...

كل اللي قالوهـ عني اني محبط ومثبط وعميل وشغال عند عبداللطيف وووو الباقي من الامور اللي ماعندهم غيرها...

بينما لو تفتح موضوع وتقول رحت الشركه وسبيت المصري وقلت له خليها تصدي تلاقيهم كلهم يهللون لك ويقولون والنعم فيك يالرجال خلها تصدي....

وش نبي من المقاطعه ؟؟ بالنسبه لي الحين ابي سياره والسلاموو عليكم المقاطعه فشلت هنا والسنه الجايه بيرتفع السعر اكثر وواكثر والناس بتشتري والحكومه هي سبب فشل المقاطعه بالقرار اللي حدد الاستيراد للمستخدم بـ 5 سنين رغم ان السيارات المستخدمه الان رخيصه جدا بالخارج وكان ممكن اغراق السوق بالسيارات المستخدمه النظيفه الرخيصه بحيث كل الشعب يقدر يتملك سيارات والشركات وقتها بترضخ لكن المسئول الفاسد اللي اقر القرار هو اللي مفروض يتحاسب من الشعب....

في فمي الكثير من الماء وما اقول غير حسبي الله ونعم الوكيل...