والله ماهو شماته ,, إلا من ردي لأردئ .. و الله يرزق اللى يخافونه و يعدلون بين الناس و هم أشبه بإشاعه فى السوق هذا .

سنين الله يسرقون فينا و الحين زعلانين .. جعله ربي خساره دبل عليهم مقابل كل واحد دفع لهم حلاله لأجل يرحم نفسه من التعب و البهدله و اللى يرجع لها مع سياراتهم .

جمره .. ودي إنك تدخلين أى حراج سيارات و معكي شخص فهمه متوسط .. حتخرجو بنتيجه واحده : سيارات مصدومه منتهية الصلاحيه بدبل السعر .

والله الحراج عندنا بجده يشهد : تحالفات الشريطيه و الحلف بالزور و التدليس و الغش هو الأساس بينهم و أظن باقى الأسواق بنفس الحال .

بشكة الحراميه أمثال جميل و الجميح لين رفعو أسعارهم هم كمان رفعوها مع إنهم بياخذو السيارات من الحراميه السابقين بأسعار متدنيه للغايه غير اللى بيصيدوها من المستعمل و اللى بيجيبوها من خارج السعوديه و إيجارهم عقود بالسنين .. يعنى وضعهم ما أستجد فيه شئ الا الطمع اللى زاد .

90% من السيارات " المعروضه " للبيع ما بين مصدومه و مسمكره بأرخص ثمن | ماكينتها أو جيروبكسها منتهى | مسروق منها القطع الأصليه اللى يسهل فكها و بيعها و أما السياره الشبه جديده فلها زباين خاصين و معارض بداخل المدينه و طبعاً بسعر يقارب الجديد .

شفت بعيني عملية إعادة تجميع الرجيع لسيارات الجراند ماركيز و الفيكتوريا ( موقع الورشه: جده - أمام مغسلة التلميع الساطع اللى بجهة مربع السيارات الثقيله ) .. سيارات منتهية قاعدين يقصو و يلحمو و يعيدو تلميعها و بيعها على إنها جديده إستخدام نظيف ولا تهون الورقه حقت الشحن اللى بالقزاز .

حضرت بيعه بين أحد معدلين العدادات ( اللى يفكون و يعيدو برمجة العداد لرقم بسيط مثل 1000 كيلو ) وواحد ... أعرفه , باع العداد ب 300 و الثاني أشترى منه 3 عدادات لغرض وضعها بسيارات ماكينتها تخطت ال 200,000 كيلو > > قدامى الكلام هذا صار و جلست أسولف مع البياع بس ما قدرت أعرف مين اللى مشغلهم .

واحد من الربع أشترى لكزس أظنه 360 موديل 2008 أو 2009 من الحراج .. السياره ورده ماشيه حول ال 40,000 و فلوسها كاااش , بعد 3 أيام جينا نشغل السياره ما تشتغل .. شحنا البطاريه و رحنا لبنشري و نلقا البطاريه عمرها ما يقل عن 3 سنوات إستخدام و عليها زيوت و قرف و المعرض اللى باع السياره لخويي طلع فاك الأصليه و مركب لنا المضروبه ... حتى البيعه الكامله قاعدين لنا فيها .

حتى أسلوب التحريج أشبه بمضاربه منه لبيع .. يعنى السياره وقفت تحت المايك و ما عجبك السعر الا غصب تبيع لدرجه إن الواحد ببعض الأوقات ينجبر يشغل إيده لأجل يفتك منهم .

و الحين صارو شلل ... المحرج يبدا لك بسعر جنط و الشله تمسك ترفيع بالدور لين يثبتوه على سعر ماكينة .


يجيهم أكثر إن شاء الله و هذا جزء من الجزاء بالأرض و الحساب عند الله ما يروح .
كانو أول فعلاً ناس تخاف الله , الحين ما يخافون الا قلة الدراهم .