قاطعو مخبز الذواق

**نوري الهاشم** · 20-01-2011, 12:19 AM

السلام عليكم و رحمه الله و بركاته

أنا أم لطفلة صغيرة بعد كم يوم راح تكمل سنة و كأي ام ودي اسوي لها حفلة
صغيرة لعيد ميلادها عشان نفرح فيها

و عشان انا ابي ادور الافضل و ما عندي خبرة في الكيك و الخرابيط و طول عمرنا
ناكل كيك البيت و اذا مرة مرة رحنا مخابز العيد او قصقوص و شرينا كيك

المهم و لا لكم بطول الكلام جلست ادور بالنت و الكل يمدح في مخبز الذواق بالخبر
شارع البيبسي ،، قلت حق ابو العيال يالله نتوكل

و بعد المشوار و هالسوري ثقيل الدم ،، سألناه عن حجم الكيكة و سعرها

تخيلو كيكة ما تجي 30× 30 سم بـ 500 ريال سعودي
و لا بعد اذا تبغي صورة ابنك عليها تصير بـ 600 ريال

و الله انصدمت حسيت اني بطيح
و طول الطريق و ابو العيال يتحسب عليا

،، قلت بالنت مو مكتوبه الاسعار

حسافة كان ما تعبت حالي ،، حرام نتبطر على نعمة رب العالمين

500 ريال تأكل بلد مو 15 نفر على قولته ،، اذا شايفين ان سعد الدين غالي
قاطعو هذا المحل اللي بدون ما اذوق و لا شي من عنده راح اقاطعه طول عمري

و حسبي الله على الحرمه في المنتدى اللي نصحتني فيه
ما ادري هاذي كم راتب زوجها مثلاً ؟؟؟؟؟

و بس و سلامتكم