مواليد المملكه العربية السعودية

**راجية رحمة ربها** · 09-04-2011, 12:03 AM

اقتباس:

المشاركة الأصلية كتبت بواسطة على الدنيا السلام

السلام عليكم

اخواني ظهرت علينا فئه من اللصوص لصوص الجنسيه ووضعوا لهم شروط لحصولهم على الجنسيه السعوديه

ويطالبون بمشاركتنا بالغصب في خيرات المملكه ومزاحمة ابناء المملكه الاصليين على ما وهبها الله من خير

والان لهم مطالب وطالبوا حتى في حقوق الانسان !!
ويصرون على اخذ الجنسيه بالاكراه
اانا شخصيا لست ضد التجنيس ولكن التجنيس فيما ينفع البلد وابناء البلد وليس
التجنيس لزيادة العبء على كاهل الدوله من مصاريف ومكرمات ملكيه ووحقوق ووووالخ
التجنيس لابد ان يحدد وفق شروط وضوابط وضعتها حكومتنا الرشيده واذكر منها
تجنيس من له خبرات ك الاطباء والمهندسين والمخترعين ووووو
والان اعرض عليكم مطالبهم

أهداف المجموعة
1. التأكيد على أن مواليد الممكله يحملون عاداتها وتقاليدها داخليا وخارجياً
2. فتح المجال لمواليد السعوديه لتعبير عن مشاعرهم وانتمائهم وولائهم اتجاه الوطن ملكاً وشعباً وأرضاً
3. إيصال المعاناه المعنويه والنفسيه لمواليد السعوديه
4. التأكيد على الانتماء والولاء للمملكه العربيه السعوديه ملكاً وشعباً ووطناً بتواجدنا على هذا الملتقى
5. الـتأكيد على وجود مواهب لمواليد المملكه تسعى لخدمة هذا الوطن المعطاء
6. التأكيد على أننا أخوه جمعتنا مملكة الانسانيه
7. التعارف فيما بيننا وتبادل والاراء اتجاه مستقبلنا
8. التأكيد بأن أصواتنا لاتصل ألا إذا اجتمعنا
9. التأكيد على التفائل بالخير بتواجدنا هنا والمشاركه
10.تعزيز الإرتباط بالمجتمع والوطن عن طريق خلق طرق وسبل للمساهمة في المجتمع والإنفتاح عليه.

وختام لقولي انكم يا من تسمون بمواليد المملكه لو ان فيكم خير لبلدانكم الاصليه لما تركها ابائكم بحث عن المال الغير شرعي ومال السحت اللي تاكلونه
بالعاميه ما طلعتوا الا تحاشرون عيالنا في لقمتهم

اطالب من الحكومه ومن الشعب السعودي الاصيل بمحاربة هذه الفئه الباغيه والدخيله بافكارها التي قد تكون منحرفه !؟
عيالنا مالقوا وظايف وبيوت هالمره جايين انتم تستوولون على اموالنا
هل هذه حرب جديده حرب المعيشه و الوظائف
ارجوا التصدي لهم وبقوه

وقعد اعذر من انذر

وهذا رابطهم في الفيس بوك
http://www.facebook.com/group.php?gid=124023707636783

تبي تضحكني انت قال لصوص ويستولون هههههههههههههه

صدق اصحاب العقول في راحه

على وشو كل هذا؟

اذا انت عايش ومرتاح وضمان اجتماعي ووظيفه

في غيرك ما عندهم اللقمه واقامات ومستشفيات بفلوس وما يقدرون يكملون دراستهم

ياخي انت ليش حاقد كذا؟

الرسول صلى الله عليه وسلم يقول : ( لو أنكم توكلون على الله حق توكله لرزقكم كما يرزق الطير، تغدو خماصاً وتروح بطاناً )

اول شي توكل على الله ثم دور على وظيفه موب تقعد في بيت اهلك ثم تقول الاجانب اكلوا خيرنا

والله سبحانه يقول

وَمَن يُهَاجِرْ فِى سَبِيلِ اللَّهِ يَجِدْ فِى ٱلأرْضِ مُرَاغَماً كَثِيراً وَسَعَةً

يعني لا تقعد تتفلسف كثير

الله يقول انه طلب الرزق يكون في المهاجره

وانت جاي تطرد الناس من ارض الله الواسعه

تعترض على امر ربك انت؟

بعدين هالمقيمين هم اللي قوموا السعودية على رجلينها

وتجارتهم بكل مكان

وانت قاعد عند اهلك والتلفزيون ثم تتذمر

استح على وجهك بدل لا تقول الله يرزقنا ويرزقهم قاعد تهدد؟

الرزق بيد الله لا هو بيدك ولا بيد اي مقيم

لو ربي كاتبلك رزق بيجيك وان ربي موب كاتبلك ما بيجيك شي

يعني لا تقعد تهدد محد بيده رزقك وموب معنى لو المقيمين توظفوا

يعني السعوديين انأكل حقهم

السعودية ما شاء الله كبيرة وهي اغنى دوله بالنفط

ليش طيب السعوديين اللي بالدول الثانيه ما قالتلهم الدول اطلعوا اكلتم خيراتنا؟

ليش تطردون خلق الله من ارض الله وانتم الدول الثانيه تحترم ابنأكم؟

لو احد عاملكم بنفس الاسلوب اللي تعاملون فيه المقيمين ذيك الساعه

بتحسون انكم انذليتم

الله سبحانه ما يرضى الذل على عباده

جاي انت تذل وتهدد بعد؟

ليش كل هذا؟ هذا لان المقيم طلب حق من ابسط حقوقه؟

امريكا المواليد اللي ينولد فيها اجنبي على طول تنعطى له الجنسية الامريكيه

واذا جا من دوله ثانيه لعمل او دراسه بعد 3 سنين ياخذ الجنسية

والمقيمين هنا لهم بالخمسين والستين سنه ويتعامل كنه غريب وتوه جاي من بلده

احترم نفسك ولا تقعد تهدد لان الرزق بيد الله ماهو بيدك

ولو ربي كاتب للمقيمين رزقهم بالسعودية غصب عليك بياخذونه رضيت ولا انرضيت

واذا ربي موب كاتب لهم رزق عاد ارض الله واسعه وكل نفس على ربي رزقها

وربي كاتب كل شي عنده

فلا تقعد تهدد

والرسول صلى الله عليه وسلم يقول : ( لا يؤمن عبد حتى يؤمن بالقدر خيره و شره حتى يعلم أن ما أصابه لم يكن ليخطئه و ما أخطأه لم يكن ليصيبه )

يعني تهديدك لا يودي ولا يجيب لان كل شي مكتوب عند ربي

وتراك تعبت نفسك على موضوعك والدليل انه مافي ولا رد

لو تحذفه يكون افضل