صراحة , لازم الشعب يتعلم المقاطعه , لأنها من أشد أنواع العقاب على التجار الجشعين
المجرمين رفعوا اسعارها بحجة زيادة اسعار الاعلاف , وهذا الكلام غير صحيح , لأن الاعلاف ماتجي من دولة وحده , وأختاروا الوقت المناسب لكي يدخلون موسوعة الغلاء على المواطن السعودي , وتوقيتهم قبل موسم الحج.
لكن لو تكاتفوا المواطنين السعوديين وقاطعوهم قبل الحج بس صدقوني ان يسبون يوم رفعوا فيه الاسعار , لأنهم تعودوا على الشعب السعودي اللي يتلقى الضربة تلو الاخرى ومايقول شيء بل يدفع وهو ساكت , وتجرأوا لأنهم يعرفون ان الشعب يقاطع بالكلام فقط , سبب فشل اغلب حملات المقاطعه هم المواطنين انفسهم , ولو نجح بعضها نجاح بسيط جدا يكاد لايذكر لكن هذا الشيء مايأثر على التاجر.
الحكومة ماسوت شيء والوزارات برضو ماسوت شيء يتفرجون على الابادة الجماعيه لدخل المواطنين السعوديين.
احنا لازم نؤمن بان الحل بأيدينا فقط وليس بيد وزارة التجارة أو الحكومة , تشوف الناس يقولون نناشدالحكومة , لنا عقود واحنا نناشد وبالعكس تدهورت الاوضاع بشكل أسوأ , يعني بالشكل هذا بيطلع سعر الدجاجه بعد خمس سنوات بـ 60 ريال , وبنختصر المثال على الدجاج فقط.
أوضاعنا من سيء الى أسوأ , لو كل شخص منا أخذ على عاتقه اقناع اصدقائة وجيرانه وأهل بيته وأعطاهم خبر بالمقاطعه صدقني بيقاطعون اقل شيء اسبوع , لأن المشكله أغلب الناس والله مايدرون عن حملات المقاطعه ولا عندهم خبر عنها لأنها تحارب من قبل الاعلام والجرائد , والناس ماتتابع الا هي فقط.
الواحد يخبر 10 اشخاص وكل واحد من العشره خبر 10 زيه , صدقوني بتنتشر في ايام قليله ,
نسأل الله القوة والسداد في حربنا على التجار المجرمين
29-09-2012, 09:52 PM
العرض الشجري