تبي تشوف الغش على اصوله؟؟؟؟

في رقم وضعته الهيئه العامه للسياحه وظيفه هذا الرقم يدلك على الفعاليات والمهرجانات والمزارات في كل مدينه ويعطيك الاسعار والفنادق وكل شي خاص بالسياحه.

خلال زيارتي السياحيه لابها قلت اتصل على الرقم واحجز غرفه بفندق الموظف ماقصر استفسر مني ووجهني على الفنادق واعطاني اسعارهم وعدد الغرف وكل شي لكن كنت اتفاجأ دائما لما اتصل على ارقام الفنادق اللي يعطيني هي الموظف بان السعر زايد بمعدل من 70 الى 200 % عن سعر هيئه السياحه.

وطبعا الرد باسلوب همجي وبطريقه اذا تبي الحق مابقي الا غرفه وفي واحد يتفرج عليها الحين الحق وتعال ادفع قبل ماينزل من جولته ويستاجر قبلك.

طيب وش فايده رقم الهيئه العامه للسياحه؟؟؟؟ طبعا غير الليموزينات اللي لاشافو لهجتك غير لهجه المدينه عرفوا انك غريب ودبلوا عليك السعر ( مدري ليه العدادات محد يشغلها ).

في مكه ايام رمضان مشوار من الحرم الى شارع الستين ( في العاده بريالين واحيان بريال ) وفي رمضان على الزوار والمعتمرين توصل الاسعار الى 300 ريال؟؟؟؟

مين يحاسبهم؟؟؟؟