هذي عنيزه ولا ادري أيش أسميها
الشمس ولا القمر ولا السماء العالي
هذي صبا نجد عــل السيل واديهــا
يعلها السيل وقت السيل همالي
هذي عنيزه وهذا مجد ما ضيها
يشهد لها ماضي الأيام والتاريخ
يفز قلبي الا من حل طاريها
شربت حبه مع الماء الحالي
هذي عنيزه وهذا عشق راعيها
معشوقه اللي يحب الطيب الغالي
قالوا لي أذكر لنا وش ولعك فيها
ياللي تقول أنها دايم على بالي
قالوا وهم خابرين أجمل معانيها
اقبالهم صفحه التاريخ واقبالي
وشلون اوصفك يادارلنا فيها
ذكر المعزه مع العم ومع الخالي
وشلون اوصف ربيع طيب أهاليها
وألا اصف الطوب والا اصف الطيس والجالي
والا اصف الجو والا أصف روابيها
ولا النخل والثمر من كل الاشكالي
ما تنوصف والمعاني ما توفيها
وشلون أبرسم خيال سنيني وأمالي
الله أكبر الا نادى مناديها
يجلي هموم لها بالقلب زلزالي
العلم بدر تجلى في لياليها
والحلم للمشكلات السود حلالي
للعلم والحلم رب البيت هاديها
الحضر والبدو ما للجهل مدخالي
تسمع لها مرحبا لاجيت ناديها
وتشوف جزل الحطب بريق ودلالي
ترى حلات الحياه وكل امانيها
مع الله أكبر تسدك راحه البالي
يبقى الكرم بالحجاج وبيض أياديها
ويبقى شعار الكرم دله وفنجالي
والناس كلن ولي العرش مغنيها
الرزق عند الكريم الرازق الوالي
هذي عنيزه محافظه واهاليها
الرأس واحد عليه شماغ وعقالي
هذي عنيزه ولي العرش واليها
المهره اللي لها أبن السعود خيالي

لشاعر / عبدالعزيز بن ابراهيم الجمعي ..



فديو يصور قوارب في بحيرة العوشزية<< روقان يا اهل عنيزة
http://www.youtube.com/v/ttZwrJgwlbA&hl=en&fs


الجسكي (Jet Ski) في العوشزية <<روقااان يا اهل عنيزة
http://www.youtube.com/v/aaJXSzZfL2I&hl=en&fs=1

الطيران الشرعي << مانيب قايله شي
http://www.youtube.com/v/dxerC7kpJXo&hl=en&fs=1

فيديو للبحيرة من الايام الاولى لهطول الامطار وشوف مستوى المياة
http://www.youtube.com/v/OADZo6lE5V8&hl=en&fs=1

اللي بيقول عنصرية اقوله ايه عنصرية ونص
شكرا كيب ان تتش