اذا انت راعي بر وتبي سياره دفع رباعي خذ لك سوزوكي فيتارا من الشركه من دون بنك او غيرهـ نظام تأجير منتهي بالتمليك من دون دفعه اولى ودفعه اخيره 24 الف و 1900 ريال شهريا لمدة 48 شهر شامله التأمين....

التأمين في تويوتا لمدة 4 سنين يكلف 20% من قيمة السياره والفائده 8 % بالسنه الوحده بمجموع 32% في 4 سنين من قيمة السياره يعني تأمين وفائده عند تويوتا في 4 سنين = 52% من قيمة السياره...

ماننسى ارتفاع سعر التويوتا حاليا وشوف الفرق بين الراف4 اقل فئه بدبل من تويوتا والسوزوكي قراند فيتارا الفل الكامل 6 سلندر من ناحية الجوده والقوه والصناعه ( سوزوكي يابانيه من الصدام للصدام ) والسعر بالتأجير هو نفسه واقل عند سوزوكي...

وممكن تروح شركة ميتسوبيشي عروضهم من دون فائده وتقسيط بسعر الكاش وافضل انك تاخذ تأجير لان فائدتهم بسيطه جدا مع التأمين ماتوصل الى 3% سنويا وهالشركات قطع غيارها الاصليه غاليه شوي فالتأجير بيريحك 4 سنين من هالنقطه ان شاء الله....

هيونداي نسبة الفائده عندهم توصل الى 40% شامله التأمين وهوندا ناااااااااااار ونيسان راح عرضها المميز وحاليا افضل عرض هو اللي على الارمادا ومازدا نفس الشي الفائده قريب من 40%....

كيا ابعد عنها اسعارها خياليه وجودتها واعتماديتها على المدى البعيد ( فوق 5 سنين ) لك عليها خلك على الياباني حتى لو اغلى شوي...

اخر الحلول فورد موديل 95 الى 97 الشكل القديم ويفضل الفيكتوريا تاخذه مستعمل نظيف بحدود 13 الى 15 الف وتحط فيه بالكثير 5 الاف ويعطيك ان شاء الله موب اقل من 5 سنين