بقول لكم شئ محبي الصيد يعرفوه

لما نكون بمكان مافيه خير ( الخير اللى هوا السمك ) أو يبعد عنا مسافه ما تصلح للصناره .. نرمي جزء من الطعم على فترات متباعده و في مناطق قريبه من بعض و سهلة الوصول لنا لتجميع أكبر عدد ممكن من الضحايا ( السمك )

طبعا قانون البحر هو : الكبير يفترس الصغير ,, صيدنا يعتمد على هذه القاعده .. نرمي طعم معين لإجتذاب نوعية معينه و مرغوبه من الأحجام المتوسطه و المطلوبه من قبل أسماك أكبر و هلم جراً لين يجي السمك الطيب اللى على مــزاجنــا ..

بعد كده نبدا الصيد .. بالصنارة .. أو بالمشكات أو بالشبكه .. كل واحد فينا و " طمعه | جشعه "
نخلص صيد و نتركهم فتره ثلاث شهور .. يتعافو من جروحهم و يتكاثرو و نرجع ثاني بنفس السيناريو و نصيدهم .

و كل الفلم هذا و إحنا قبعاتنا على رؤسنا تحميها من أشعة الشمس و عصيراتنا بتبردنا ولا نقطه مويه أو عرق على ملابسنا و نتفرج عليهم و هما يسحبو و يهاجمو و ياكلو في بعض ( فلم أكشن واقع و ببلاش )

و خسارتنا .. الطعم اللى هوا عباره عن صيد سابق لنا من منطقه ثانيه
و بنزين السياره ... إن حبينا نحسبه كخساره

السمك اللى صدناه و الشعب اللى بالتداول وجهين لعمله وحده .. كلهم في بطن صيادهم
ولا السمك عرف مين صياده
ولا المتداولين عرفوا مين أكلهم

و يبقى الصيد مستمراً ..