الحل :عبر عن رأيك الخاص ولا لك بأحد يفهم أو لايفهم ,, وزع خبر المقاطعه لكل الناس .. ماهو بالضروى عن المنتدى و أخباره ,, خسر أى حرامي مهما كان وزنه و مكانته بالسمعه ,, أوجد البديل مهما كان غير منطقي لك أو للغير .. بكذا كل حرامى ما راح يسرق حرامي الا حرامي زيه لأنهم أكثر ناس ترفض المقاطعه و تعمم الكلام هذا بيننا .
تذكرون إشاعه المياة اللى مصدرها المجارى - و إنتم بألف كرامه - إيش صار لها ؟ كذا شهر و هيا تسف التراب و الموضوع راس ماله إشاعه و مشكوك فيها و لين الحين و ناس كثير مقتنعه بالإشاعه هاذي بالرغم من إنه مافى ولا دليل مادى واحد ظهر و أكدها غير الإشاعه نفسها .

و إن كان على النفس اللى رغباتها ما تخلص ,, برمجها على البديل ولو بالغصب

أقنعها بإن النص ريال هذا المستهتر به بيروح منك و من غيرك لشخص واحد فقط بألوف الريالات و مادام إن النص بيصير ريال ليش ما يصير بجيبك إنت بدل جيب الحرامي اللى رفع عليك السعر .

احنا بشر و لنا كرامه و عمرنا ما وطينا راسنا الا لخالقنا و ما نجي بالنهاية نوطي لشوية حراميه علشان المبلغ تافه ... هو يرفع على نفسه ماهو علينا ,, هو حر بتجارته و إحنا حرين بأموالنا إن شاء الله نولع فيها بس الحرامى هذا ينحرق قبله عليها لين يقول حق

غير كذا لو قبلت نفسك السرقه .. يبقا لا تصيح و تقول سرقونى لأن المال السايب يعلم الحر السرقه و اللى بينسرق .. ينسرق لحاله