وانت الصادق في العالم الغربي ما يحتاج حتى تقل لهم عنواك فاتصالك فقط يضهر جميع المعلومات لدى مستقبل المكالمة هذا بالضافة الى انك لا تحتاج الى شريحة او الى خط هاتف يعمل لكي تتصل عليهم ورقم 911 هو الرقم الوحيد الذي يتصل به من يريد اي خدمات اسعافيه او حريق او سطو او اي شيئ اخر

وانا اذكر مرة صار لي موقف مع الشرطه صار لي حادث في الخط وانا رايح جنوب بعد ما تعديت الباحه باقل من ثلاثين كيلو فاتصلت على المرور بالجوال قام رد عليه واحد بعد ثاني اتصال؟؟
الو المرور
المرور نعم
صار لنا حادث يا الله يحييك
وين صار لك حادث
في الباحه
طيب ليش تتصل علينا؟؟؟
اشلون؟؟
هذا مرور بيشه؟؟(بيشه تبعد عن الباحة اكثر من اربع ميه كيلو)
كيف مرور بشيه ؟؟
اتصل على مرور الباحه
انا هنا ضحكت غصبا عني
طيب يا ابويه اش اسوي حتى اتصل على مرور الباحه
والله ما ادري لكن هذه الي عندي ومع السلامة طوطوطوطوط

بعد كذا رحنا ندور على اقرب فرع مرور لنا
فوصلنا عند نقطة تفتيش
السلام عليكم يا ابويه صار لي حادث
طيب احنا نقطة تفتيش
اعرف والله اعرف انكم نقطة تفتيش لكن الله يوفقكم واحد يجي يطالع الحادث ويعطينا ورقه اصلاح ما نبغى من بعض اي شيئ
والله ما هي من صلاحياتنا نحن الان في مناوبه ولا نقدر نطلع منها

رجعنا وقفنا سيارة ورجعنا الى الباحة وخشينا المرور ووصلنا عند المناوب بالمرور
اول ما سمع ان الحادث بعيد بثلاثين كيلو
على طول قال يا اولاد الحلال الصلح خير وسامحو بعض وكل واحد يصلح سيارته
ضحكت انا وقلت صادق الصلح خير والنوم اخير الله يعينك اذا ما فيها كلفه عليك اعطنا ورقه اصلاح
وذهب يومي كله وانا اراجع في هذا الحادث
وما اقول الا كلها ميه سنة والله يعديها