ضعيف الله السعودي ، مقهور ، مدقور مكفخ ، مضروب بكل هاوي وداوي ولا أحد يجيب خبره .

لا تروحون بعيد ، في صحفنا مثلاً ، اذا سعودي سوى شئ ، حطوها بالبنط العريض ، سعوي أربعيني فعل وفعل ، واذا كان بنغالي ولا هندي ، قالوا (مقيم) يغتصب ، و(عامل آسيوي) يسرق ، آسيا أكبر قارات العالم ، آسيوي من وين يعني؟ حددوا، وش انتم خايفين؟ يعني يراعون مشاعر حتى المجرمين الاجانب في ديرتنا ، والسعودي يفضح ويشهر به في صحفنا .

موقف السفارات من مثل هذه الحوادث موقف مخيف ومذل ، لكن الصحافة السعودية عندنا أيضاً في هذه الأمور موقفها سلبي جداً ومهين، ولو انها كتبت بحيادية وفضًحت بالسفير وطالبت باتخاذ اجراءات، كان نزل من برجه العاجي يتفقد وش صار على عيالنا في الدولة اللي هو مستأمن فيها على حمايتهم . لا يكفي بيان(السفارة السعودية باستراليا تأسف لمقتل الطالب السعودي) ، (السفارة تتابع حالة السعودي المسروق المضروب من مقر المستشفى) ، ومن هالنمونة ، بيانات اعلامية من مكتب العلاقات العامة بالسفارة حتى ما تستهلك ورق لأنها تكتب بالانترنت.

شوفوا مثلاً ماذا تعمل الصحف المصرية وهي من دول العالم الحادي عشر ، اذا تعرض صعيدي هنا لأي مشكلة من سعودي، صحف مصر كلها تتقول وتفتري علينا وتطالب وتتهجم وتسب وتلعن ، ويجبرون سفاراتنا ووزارة خارجيتنا بالرد وتطييب الخاطر وقضائنا باتخاذ ما يلزم، يعني حتى لو دولتهم ما قامت بشئ، الصحافة حقتهم ما تسكت . وعندنا (يا ليتها تسكت) لأنهم شغالين ضرب في السعودي وتستر على المجرمين الاجانب .

فيه عامل فني كان عندي قبل كم يوم ، يسولف لي عن البلاوي والجرائم اللي يسوونها الأجانب عندنا وذكر ناس حتى من بني جلدته ، ويقول لي عندكم الدعوى فوضى ....... طبعاً ما ينلام السعودي اللي يصير له شئ في الخارج، وهو بالداخل يشوف العجائب .

على فكرة العامل اللي كان يكلمني ---- آسيوي . من عاشر القوم هههههههههههه . بس راح أكون أكثر شفافية من صحفنا ، وأقول : من غرب آسيا !!!!

الظاهر وزارة الخارجية صدقت ما يقال عنا من الخارج بأننا شعب إرهابي همجي فصارت تخجل منا وأي مشكلة تحدث بالخارج هي مع قانون المواطن على خطأ حتى لوكان الحق معه
حتى لو كنا على خطأ مثلا يجب أن نعاقب بإحترام كأي مواطن تحترم بلده مواطنته أين حقي يا وطني سؤال موجه للخارجية وممثليها بالخارج