تصدقون
انا وحده لو صندوق الطماط الكبير بريال ما اشتريه باوائل المواسم ..
لاني اعرف ان "بعض المزارع " وخاصة اللي تدار بواسطه العماله تكب ماده الكبريت بعد مايقطف الطماط وهو اخضر تكب عليه المادة وكم ساعه الا وهو قالب لون احمر ! والمزارع اللي تكب هالماده هدفها تلحق اول الموسم وتستغل ارتفاع الاسعارلتعوض من خسائرها او تزيد من ارباحها
وطبعا ماذكرته انا ليس من وحي الخيال او كما قيل لي ! بل انا اطلعت على ذلك بنفسي لما دخلت مجال الزراعه وزرعت طماط وخضروات وعرفت جرائم العماله بنا واحداها الاستعجال ع الطماط وقطفه وهو ما نضج وكب الكبريت عليه لاكسباه لون احمر ..
وعلى ذلك فقدت الثقة بالكل ولا اشتري الطماط الا بعد ان يهجم بالسوق
وهي فترة اسبوعين 3 بالكثير..

-------------------------

اما نستغني او لا .. اوقات الاستغناء يكون اجباري لمن راتبه قليل او من عليه استلزمات كثيرة ..
قبل كم يوم كنت في محل خضار ولقيت شايب فوق 70 سنه متنكد من سعر صندوق الطماط اللي وصل 80 ريال
يقول :اللي له بيتين ومرتين وعيالهن وشلون يجيب طماط لك بيت !
"البيوت السعودية خلت من المشاكل ماغير الطماط "
قلت له ياعمي يجوز العيد بليا حنا
قال يجوز بس اخاف من الحرييم
قلت قل لهن ترى الثالثه اسهل من شرى صندوق طماط

لنغير مفهيمنا ,,,الحياة ماراح توقف لو زعلنا ا على الطماطه
بالعكس الحياة راح تمشي’ وتعقل المجنونه وترخص