مستحيل تطبيق هذه الاسعار والتقيد بها

البورصة مختلفة كل يوم سعر عفوا

كل واحد يسعر من رأسه

أشوف بنك الراجحي مقدم سعر أضحية 410 ريـال لمن لا يستطيع الشراء بالأسعار الحالية ونوى بأن يضحي
عن طريق الانترنت أفضل وأسهل والطريقة بالنت كالتالي : الحوالات ثم جمعيات خيريه ثم تظهر لك الهدي والأضاحي كما هو موضح بالمرفق

الله يعطيكم العافية اللي يبي الأجر يضحي عن طريق الراجحي اولا ارخص
ثانيا توصل للمحتاجين اكثر منا والله يعافيكم جميع

حياك ضاري

المشاركة الأصلية كتبت بواسطة انسـ خفآيآ ـآن

الله يعطيكم العافية اللي يبي الأجر يضحي عن طريق الراجحي اولا ارخص
ثانيا توصل للمحتاجين اكثر منا والله يعافيكم جميع

وهذا ما ننصح به ومثل ماقلت بردي بالسابق ان المنتدى تبنى حملة العام الماضي وحث على التوجه للجمعيات الخيرية
حياك انسان خفايا

الي اعرفه ان البيع بالسوق قايم على السوم و من مصلحة البايع يرفع السعر عموما البايع ما ينلام طوووول السنة ياكل هالبهايم من جيبة و قبل كذا من قبل يشتريها من يقدم على الراعي يزكي عنها كيف تبونه يراعيكم بالاسعار و هم ما راعوه
يا ناس يا بشر مربين المواشي يخسرون و هذا واقع لان اكل البهايم ارفعو اسعاره اكثر من اكل البشر

الله يصلح الحال و يصلحنا قبل الحال
يسلمو جمرة

المشاركة الأصلية كتبت بواسطة الخزاما

الي اعرفه ان البيع بالسوق قايم على السوم و من مصلحة البايع يرفع السعر عموما البايع ما ينلام طوووول السنة ياكل هالبهايم من جيبة و قبل كذا من قبل يشتريها من يقدم على الراعي يزكي عنها كيف تبونه يراعيكم بالاسعار و هم ما راعوه
يا ناس يا بشر مربين المواشي يخسرون و هذا واقع لان اكل البهايم ارفعو اسعاره اكثر من اكل البشر

الله يصلح الحال و يصلحنا قبل الحال
يسلمو جمرة

يا اختي الكريمة اذا كان من مصلحة البايع يرفع السعر من مصلحة المستهلك ينزل السعر
و البايع اكيد لازم ياكل هالبهايم من جيبه و يصرف على راس ماله و الا من يبغى ياكلهم، و للعلم الدولة تصرف اعانة للشعير و اذا رفع تجار الشعير اسعارهم المفروض تجار المواشي يشتكون للدولة، و اما الزكاة فهي ركن من اركان الاسلام و لا فيها نقاش.

و بعدين كيف يراعي تاجر المواشي الناس و هو اذا نزل سعر الاعلاف ضرب بسعره فوق لأن التكلفة عليه تكون قليلة و اذا ارتفعت باع و صرف اللي عنده بسعر معقول للمستهلكين.

و اذا كان مربين المواشي يخسرون ليه ما يطلعون من السوق و يشتغلون في تجارة ثانية يربحون منها، لأنه مهو منطق اذا خسر مربين المواشي بسبب تجار الاعلاف صار المستهلك هو اللي ينلام و المفروض يراعي مربين المواشي، طيب كيف يراعيه؟ يعني اذا نزلت اسعار المواشي يقوم المستهلك يرفعها

المشاركة الأصلية كتبت بواسطة Tameem

يا اختي الكريمة اذا كان من مصلحة البايع يرفع السعر من مصلحة المستهلك ينزل السعر

اخوي الله يكرمك من فضله ما فيه شك اذا قدر المشتري ينزل السعر لا يقصر هذا حقه

و البايع اكيد لازم ياكل هالبهايم من جيبه و يصرف على راس ماله و الا من يبغى ياكلهم

اخوي فيه فرق ان راعي الحلال يعلف حلاله طووووول السنه و انه يعلف حلاله بالصيف
و مثلك عارف ان ربيعنا بالسنوات الاخيرة ما عاد يشبع الحلال

و للعلم الدولة تصرف اعانة للشعير و اذا رفع تجار الشعير اسعارهم المفروض تجار المواشي يشتكون للدولة

ليييييه تصرف اعانه كان الشعير في متناول الجميع الى ان حد من زراعته و صار بدال ما كنا اهم المصدرين صرنا اول المستوردين

و اما الزكاة فهي ركن من اركان الاسلام و لا فيها نقاش.

صحيح اخوي لاكن الزكاه على السائمه و هي الي ترعى اغلب السنه اما الي تعلف طول السنه ما بها زكاه و هم ما همهم طالما طلبت راعي ادفع زكاتك لا تناقش انت ربحان او خسران ما يهمهم ادفع شريت الحلال و لا منت شاريه ادفع

و بعدين كيف يراعي تاجر المواشي الناس و هو اذا نزل سعر الاعلاف ضرب بسعره فوق لأن التكلفة عليه تكون قليلة و اذا ارتفعت باع و صرف اللي عنده بسعر معقول للمستهلكين.

اخوي قبل يرتفع سعر الشعير و البرسيم ما وصل الحلال لهذي الاسعار يعني من المتسبب ؟؟؟
عين الرضى عن كل عيب كليلة و عين السخط تبدي المساوئ

و اذا كان مربين المواشي يخسرون ليه ما يطلعون من السوق و يشتغلون في تجارة ثانية يربحون منها

انت عارف اخوي هذا الي حاصل صار بيع الحلال وارد جدا" هالسنوات الاخيرة و بكثره جدا" و اسعارها مهيب مرتفعه مثل اول راعي الحلال يبي الفكه بس لانه عجز عن تعليفها و ما لقى منها مربح فا من موسم ربح للثاني يعجز يعلفها

لأنه مهو منطق اذا خسر مربين المواشي بسبب تجار الاعلاف

لا اخوي ما نلوم تجار الاعلاف لان تاجر الاعلاف ربحه بسيط الملام الاول وزارة الزراعه ليه ما ترخص بزراعة الشعير و و نرخصه على انفسنا بدال ما يرفعه علينا بلد المنشئ و نكون تحت رحمته

صار المستهلك هو اللي ينلام و المفروض يراعي مربين المواشي، طيب كيف يراعيه؟ يعني اذا نزلت اسعار المواشي يقوم المستهلك يرفعها

لا محد يذبح عمره بدال ما يكون الغلط بين المربي و الشاري يحمل الغلط على المسبب الاول للمشكله و هي وزارة الزراعه

كل الشكر

المشاركة الأصلية كتبت بواسطة الخزاما

اخوي فيه فرق ان راعي الحلال يعلف حلاله طووووول السنه و انه يعلف حلاله بالصيف و مثلك عارف ان ربيعنا بالسنوات الاخيرة ما عاد يشبع الحلال

موضوع الرعي طويل ما بين نقص المراعي و الرعي الجائر، قبل شهرين آخر الصيف كنت في الصمان و الله لقيت فياض كاملة ممسوح سدرها ما فيها ورقة، الغنم ماكله اسفلها و الابل ماكله الباقي، لكن خلاصة الموضوع راعي الحلال مستثمر فيها و هو مسؤول عن توفير علفها.

المشاركة الأصلية كتبت بواسطة الخزاما

ليييييه تصرف اعانه كان الشعير في متناول الجميع الى ان حد من زراعته و صار بدال ما كنا اهم المصدرين صرنا اول المستوردين

اعتقد ان السبب ان الشعير يستهلك كميات كبيرة من الماء، و ارجع اقول انا كمستهلك ليه اتحمل ماديا مشكلة توفر او نقص الشعير و الاعلاف.

المشاركة الأصلية كتبت بواسطة الخزاما

صحيح اخوي لاكن الزكاه على السائمه و هي الي ترعى اغلب السنه اما الي تعلف طول السنه ما بها زكاه و هم ما همهم طالما طلبت راعي ادفع زكاتك لا تناقش انت ربحان او خسران ما يهمهم ادفع شريت الحلال و لا منت شاريه ادفع

اسمحي لي يا اختي اصحح، حسب فتوى اللجنة الدائمة للبحوث العلمية و الافتاء ان الحلال المراد به التجارة يدخل في عروض التجارة و عليه زكاتها.
اما السائمة اللي ما عليها زكاة فهي تكون للدر و النسل، وهي خارج موضوعنا.
الفتوى هنا

المشاركة الأصلية كتبت بواسطة الخزاما

اخوي قبل يرتفع سعر الشعير و البرسيم ما وصل الحلال لهذي الاسعار يعني من المتسبب ؟؟؟

المشاركة الأصلية كتبت بواسطة الخزاما

عين الرضى عن كل عيب كليلة و عين السخط تبدي المساوئ

اسمحي لي با اختي اختلف معك من واقع تجربة صار لها سنين، كنت اول اشتري كل فترة ذبيحة للبيت و نصحني واحد من الاخوان يربي غنم بشكل متقطع قبل ما ادور على ذبيحة اشوف سعر الشعير، اذا نزل انتظر و اذا ارتفع اشتري.

المشاركة الأصلية كتبت بواسطة Tameem

اسمحي لي با اختي اختلف معك من واقع تجربة صار لها سنين، كنت اول اشتري كل فترة ذبيحة للبيت و نصحني واحد من الاخوان يربي غنم بشكل متقطع قبل ما ادور على ذبيحة اشوف سعر الشعير، اذا نزل انتظر و اذا ارتفع اشتري.

هلا اخوي ممكن افهم وش الحكمه في المقارنه بين سعر الشعير و سعر راس الغنم

اهلي مربين صحيح ما يبيعون بس حتى ما سمعت عندهم هالكلام و فيه من ربعنا يبيعون بعد ما ورد على مسامعي مثل هالمقارنه

و في كلامي عن تربية الحلال و زراعة الدزت و ربح المربي و المزارع من واقع ملموس
و خذ الكلام مني
اهلي يزرعون و لانه ما منه فايدة بينه ما يبيعونه وقفو الرشاشات قالو ما تجيب همها لان البذر غالي الرشاش الواحد يبي له بذر بقيمة 35 الف ريال غير الحشرات الي تصيبها
هذا بالنسبه للزراعه
غير المعدات
اما الحلال هم قادرين عليها لانها في مزرعه و لا لوها في البر كان خسرانين عليها اضعاف قيمتها الفعلية
و الغالب يربون للمتعه مهو للفايدة هذا الي يرضيهم بالخسارة
و تعرف انه عندهم مشكله انه العماله الي ترعى الغنم تطفش و يوظفونهم بعض الشركات الي بعيده عن المدن و الرقابه برواتب اعلى يعني انت يا راعي الحلال بعد جهد و تعب بين الزراعه و غيرها يا تاخذ فيزا او ما تاخذ اذا عطوك و تخسرت و جبت اول ما يمسك راتبه ما عاد تلقاه و ارجع في موال الفيزه و العملية مستمره و الواقع انهم ما يعطون فيز على قد الحاجه يعني الي يحتاج 7 عمال يعطونه 2 و انت دبر عمرك جب من الشارع و اذا لقوة عندك الجوازات بيدفعونك غرامه يعني مقفلينها من كل جهه
احسب على العامل الواحد خسارة عشر الاف ريال من يعوضه عنها اذا ما باع المربي من حلاله يرجي من الله العوض ؟؟؟

صدقني مشاكل المزارعين كثييرة و مشاكل اهل الحلال كبيرة

و لو ما سمعت مشاكلهم عن قرب ما كان قدرت مشكلتهم و يمكن ما صدقتها لانه كان بتخيلي ان اهل الحلال يكسبون كثير لاكن هالكلام كان قبل ارتفاع اسعار الشعير و الفيز

ما ورد عن السائمه ماني مركزه معه النوم غلاب

دمت في حفظ الرحمن

المشاركة الأصلية كتبت بواسطة الخزاما

الي اعرفه ان البيع بالسوق قايم على السوم و من مصلحة البايع يرفع السعر عموما البايع ما ينلام طوووول السنة ياكل هالبهايم من جيبة و قبل كذا من قبل يشتريها من يقدم على الراعي يزكي عنها كيف تبونه يراعيكم بالاسعار و هم ما راعوه
يا ناس يا بشر مربين المواشي يخسرون و هذا واقع لان اكل البهايم ارفعو اسعاره اكثر من اكل البشر

الله يصلح الحال و يصلحنا قبل الحال
يسلمو جمرة

هلا بك اختي ..
راعي الحلال غير الشريطي اللي يبع الخرفان
راعي الحلال حاله مثل حال المشترين بخست بضاعته من قبل الشريطي
مسكين لا لقاها من تغذية مكلفه ولا من سعر بيع مجزي
الشريطي ياخذ الخرفان بسعر اقل بكثير من سعرها ويبيعها على المستهلك بسعر غالي
هنا ولمصلحة اهل الحلال ولمصلحة المستهلكين نقول اتجهوا للجمعيات الخيرية وخل الخرفان يبحل بها الشريطي ويذوق ماذاقه راعي الحلال من غلاء الشعير ..