إضافة رد
 
أدوات الموضوع إبحث في الموضوع انواع عرض الموضوع
قديم 08-11-2010, 06:30 AM   #1
Tameem
مقاطع

 
رقـم العضويــة: 10764
تاريخ التسجيل: Feb 2009
المشـــاركـات: 83

افتراضي

اقتباس:
المشاركة الأصلية كتبت بواسطة الخزاما مشاهدة المشاركة
الي اعرفه ان البيع بالسوق قايم على السوم و من مصلحة البايع يرفع السعر عموما البايع ما ينلام طوووول السنة ياكل هالبهايم من جيبة و قبل كذا من قبل يشتريها من يقدم على الراعي يزكي عنها كيف تبونه يراعيكم بالاسعار و هم ما راعوه
يا ناس يا بشر مربين المواشي يخسرون و هذا واقع لان اكل البهايم ارفعو اسعاره اكثر من اكل البشر

الله يصلح الحال و يصلحنا قبل الحال
يسلمو جمرة
يا اختي الكريمة اذا كان من مصلحة البايع يرفع السعر من مصلحة المستهلك ينزل السعر
و البايع اكيد لازم ياكل هالبهايم من جيبه و يصرف على راس ماله و الا من يبغى ياكلهم، و للعلم الدولة تصرف اعانة للشعير و اذا رفع تجار الشعير اسعارهم المفروض تجار المواشي يشتكون للدولة، و اما الزكاة فهي ركن من اركان الاسلام و لا فيها نقاش.

و بعدين كيف يراعي تاجر المواشي الناس و هو اذا نزل سعر الاعلاف ضرب بسعره فوق لأن التكلفة عليه تكون قليلة و اذا ارتفعت باع و صرف اللي عنده بسعر معقول للمستهلكين.

و اذا كان مربين المواشي يخسرون ليه ما يطلعون من السوق و يشتغلون في تجارة ثانية يربحون منها، لأنه مهو منطق اذا خسر مربين المواشي بسبب تجار الاعلاف صار المستهلك هو اللي ينلام و المفروض يراعي مربين المواشي، طيب كيف يراعيه؟ يعني اذا نزلت اسعار المواشي يقوم المستهلك يرفعها
Tameem غير متواجد حالياً  
رد مع اقتباس
قديم 10-11-2010, 02:05 AM   #2
الخزاما
مقاطع جديد

 
رقـم العضويــة: 7676
تاريخ التسجيل: Jan 2008
المشـــاركـات: 49

افتراضي

اقتباس:
المشاركة الأصلية كتبت بواسطة Tameem مشاهدة المشاركة

يا اختي الكريمة اذا كان من مصلحة البايع يرفع السعر من مصلحة المستهلك ينزل السعر
اخوي الله يكرمك من فضله ما فيه شك اذا قدر المشتري ينزل السعر لا يقصر هذا حقه

اقتباس:
و البايع اكيد لازم ياكل هالبهايم من جيبه و يصرف على راس ماله و الا من يبغى ياكلهم
اخوي فيه فرق ان راعي الحلال يعلف حلاله طووووول السنه و انه يعلف حلاله بالصيف
و مثلك عارف ان ربيعنا بالسنوات الاخيرة ما عاد يشبع الحلال

اقتباس:
و للعلم الدولة تصرف اعانة للشعير و اذا رفع تجار الشعير اسعارهم المفروض تجار المواشي يشتكون للدولة
ليييييه تصرف اعانه كان الشعير في متناول الجميع الى ان حد من زراعته و صار بدال ما كنا اهم المصدرين صرنا اول المستوردين

اقتباس:
و اما الزكاة فهي ركن من اركان الاسلام و لا فيها نقاش.
صحيح اخوي لاكن الزكاه على السائمه و هي الي ترعى اغلب السنه اما الي تعلف طول السنه ما بها زكاه و هم ما همهم طالما طلبت راعي ادفع زكاتك لا تناقش انت ربحان او خسران ما يهمهم ادفع شريت الحلال و لا منت شاريه ادفع

اقتباس:
و بعدين كيف يراعي تاجر المواشي الناس و هو اذا نزل سعر الاعلاف ضرب بسعره فوق لأن التكلفة عليه تكون قليلة و اذا ارتفعت باع و صرف اللي عنده بسعر معقول للمستهلكين.
اخوي قبل يرتفع سعر الشعير و البرسيم ما وصل الحلال لهذي الاسعار يعني من المتسبب ؟؟؟
عين الرضى عن كل عيب كليلة و عين السخط تبدي المساوئ


اقتباس:
و اذا كان مربين المواشي يخسرون ليه ما يطلعون من السوق و يشتغلون في تجارة ثانية يربحون منها
انت عارف اخوي هذا الي حاصل صار بيع الحلال وارد جدا" هالسنوات الاخيرة و بكثره جدا" و اسعارها مهيب مرتفعه مثل اول راعي الحلال يبي الفكه بس لانه عجز عن تعليفها و ما لقى منها مربح فا من موسم ربح للثاني يعجز يعلفها

اقتباس:
لأنه مهو منطق اذا خسر مربين المواشي بسبب تجار الاعلاف


اقتباس:
لا اخوي ما نلوم تجار الاعلاف لان تاجر الاعلاف ربحه بسيط الملام الاول وزارة الزراعه ليه ما ترخص بزراعة الشعير و و نرخصه على انفسنا بدال ما يرفعه علينا بلد المنشئ و نكون تحت رحمته


اقتباس:
صار المستهلك هو اللي ينلام و المفروض يراعي مربين المواشي، طيب كيف يراعيه؟ يعني اذا نزلت اسعار المواشي يقوم المستهلك يرفعها


لا محد يذبح عمره بدال ما يكون الغلط بين المربي و الشاري يحمل الغلط على المسبب الاول للمشكله و هي وزارة الزراعه

كل الشكر

___________________________



من قال : ( أستغفر الله الذي لا إله إلا هو الحي القيوم وأتوب إليه )


يقولها ثلاثا ؛ غفر له وإن كان فر من الزحف )) .


صحيح الترغيب : 1623
الخزاما غير متواجد حالياً  
رد مع اقتباس
قديم 10-11-2010, 03:47 AM   #3
Tameem
مقاطع

 
رقـم العضويــة: 10764
تاريخ التسجيل: Feb 2009
المشـــاركـات: 83

افتراضي

اقتباس:
المشاركة الأصلية كتبت بواسطة الخزاما مشاهدة المشاركة
اخوي فيه فرق ان راعي الحلال يعلف حلاله طووووول السنه و انه يعلف حلاله بالصيف و مثلك عارف ان ربيعنا بالسنوات الاخيرة ما عاد يشبع الحلال

موضوع الرعي طويل ما بين نقص المراعي و الرعي الجائر، قبل شهرين آخر الصيف كنت في الصمان و الله لقيت فياض كاملة ممسوح سدرها ما فيها ورقة، الغنم ماكله اسفلها و الابل ماكله الباقي، لكن خلاصة الموضوع راعي الحلال مستثمر فيها و هو مسؤول عن توفير علفها.

اقتباس:
المشاركة الأصلية كتبت بواسطة الخزاما مشاهدة المشاركة
ليييييه تصرف اعانه كان الشعير في متناول الجميع الى ان حد من زراعته و صار بدال ما كنا اهم المصدرين صرنا اول المستوردين

اعتقد ان السبب ان الشعير يستهلك كميات كبيرة من الماء، و ارجع اقول انا كمستهلك ليه اتحمل ماديا مشكلة توفر او نقص الشعير و الاعلاف.

اقتباس:
المشاركة الأصلية كتبت بواسطة الخزاما مشاهدة المشاركة
صحيح اخوي لاكن الزكاه على السائمه و هي الي ترعى اغلب السنه اما الي تعلف طول السنه ما بها زكاه و هم ما همهم طالما طلبت راعي ادفع زكاتك لا تناقش انت ربحان او خسران ما يهمهم ادفع شريت الحلال و لا منت شاريه ادفع

اسمحي لي يا اختي اصحح، حسب فتوى اللجنة الدائمة للبحوث العلمية و الافتاء ان الحلال المراد به التجارة يدخل في عروض التجارة و عليه زكاتها.
اما السائمة اللي ما عليها زكاة فهي تكون للدر و النسل، وهي خارج موضوعنا.
الفتوى هنا


اقتباس:
المشاركة الأصلية كتبت بواسطة الخزاما مشاهدة المشاركة
اخوي قبل يرتفع سعر الشعير و البرسيم ما وصل الحلال لهذي الاسعار يعني من المتسبب ؟؟؟
اقتباس:
المشاركة الأصلية كتبت بواسطة الخزاما مشاهدة المشاركة

عين الرضى عن كل عيب كليلة و عين السخط تبدي المساوئ

اسمحي لي با اختي اختلف معك من واقع تجربة صار لها سنين، كنت اول اشتري كل فترة ذبيحة للبيت و نصحني واحد من الاخوان يربي غنم بشكل متقطع قبل ما ادور على ذبيحة اشوف سعر الشعير، اذا نزل انتظر و اذا ارتفع اشتري.


Tameem غير متواجد حالياً  
رد مع اقتباس
قديم 10-11-2010, 04:51 AM   #4
الخزاما
مقاطع جديد

 
رقـم العضويــة: 7676
تاريخ التسجيل: Jan 2008
المشـــاركـات: 49

افتراضي

اقتباس:
المشاركة الأصلية كتبت بواسطة Tameem مشاهدة المشاركة
اسمحي لي با اختي اختلف معك من واقع تجربة صار لها سنين، كنت اول اشتري كل فترة ذبيحة للبيت و نصحني واحد من الاخوان يربي غنم بشكل متقطع قبل ما ادور على ذبيحة اشوف سعر الشعير، اذا نزل انتظر و اذا ارتفع اشتري.
هلا اخوي ممكن افهم وش الحكمه في المقارنه بين سعر الشعير و سعر راس الغنم

اهلي مربين صحيح ما يبيعون بس حتى ما سمعت عندهم هالكلام و فيه من ربعنا يبيعون بعد ما ورد على مسامعي مثل هالمقارنه

و في كلامي عن تربية الحلال و زراعة الدزت و ربح المربي و المزارع من واقع ملموس
و خذ الكلام مني
اهلي يزرعون و لانه ما منه فايدة بينه ما يبيعونه وقفو الرشاشات قالو ما تجيب همها لان البذر غالي الرشاش الواحد يبي له بذر بقيمة 35 الف ريال غير الحشرات الي تصيبها
هذا بالنسبه للزراعه
غير المعدات
اما الحلال هم قادرين عليها لانها في مزرعه و لا لوها في البر كان خسرانين عليها اضعاف قيمتها الفعلية
و الغالب يربون للمتعه مهو للفايدة هذا الي يرضيهم بالخسارة
و تعرف انه عندهم مشكله انه العماله الي ترعى الغنم تطفش و يوظفونهم بعض الشركات الي بعيده عن المدن و الرقابه برواتب اعلى يعني انت يا راعي الحلال بعد جهد و تعب بين الزراعه و غيرها يا تاخذ فيزا او ما تاخذ اذا عطوك و تخسرت و جبت اول ما يمسك راتبه ما عاد تلقاه و ارجع في موال الفيزه و العملية مستمره و الواقع انهم ما يعطون فيز على قد الحاجه يعني الي يحتاج 7 عمال يعطونه 2 و انت دبر عمرك جب من الشارع و اذا لقوة عندك الجوازات بيدفعونك غرامه يعني مقفلينها من كل جهه
احسب على العامل الواحد خسارة عشر الاف ريال من يعوضه عنها اذا ما باع المربي من حلاله يرجي من الله العوض ؟؟؟

صدقني مشاكل المزارعين كثييرة و مشاكل اهل الحلال كبيرة

و لو ما سمعت مشاكلهم عن قرب ما كان قدرت مشكلتهم و يمكن ما صدقتها لانه كان بتخيلي ان اهل الحلال يكسبون كثير لاكن هالكلام كان قبل ارتفاع اسعار الشعير و الفيز

ما ورد عن السائمه ماني مركزه معه النوم غلاب

دمت في حفظ الرحمن

___________________________



من قال : ( أستغفر الله الذي لا إله إلا هو الحي القيوم وأتوب إليه )


يقولها ثلاثا ؛ غفر له وإن كان فر من الزحف )) .


صحيح الترغيب : 1623
الخزاما غير متواجد حالياً  
رد مع اقتباس
إضافة رد

مواقع النشر

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:03 AM.