من معرفك أتوقع إنك من جده ...

على العموم .. إن كنت تعرف جده مزبوط فأول شيء مر على محل التنجيد و أساله شغل يده بس كم؟؟ .. بعد ما تتفقوا على سعر قول له إنك راح تجيب القماش بمعرفتك.

بعدين عليك بسوق الصواريخ .. تجد هناك محلات الأقمشة الستوكات الخاصة بالكنب .. مر عليهم و شوف النوعيات و الأسعار .. عادة ممكن تجد أنواع ممتازة في حدود 10-15 ريال المتر .. أختار القماش و خذ الكمية اللي تحتاجها حسب ما قال لك حق التنجيد.

عل الأقل راح توفر من 30 إلى 40% في سعر التنجيد .. و ممكن أكثر.

بالنسبة لغرفة النوم .. ممكن تلاقي محلات في سوق محمود سعيد (عند دوار الدراجة) تلقى عندهم غرف نوف تفصيل و صنع محلي .. و اسعارها مناسبة .. بس خلي بالك من نوعيات الخشب المستعمل.

المطبخ عاد هذا لوحده فيلم .. لكن برضه ممكن في سوق الصواريخ تلقى مطابخ جاهزة بأسعار متوسطة .. أهم شيء خلي بالك من جودة الصناعة و سماكة الألمنيوم المستخدم .. بعضهم يستعمل ألمنيوم خفيف لو حطيت صحنين فوقها اتعوج الرف.

أهم نقطة في الموضوع .. لا تستعجل و خذ لك لفة و دقق في كل شيء.