المراعي من فترة واحنا مقاطعينها .. ونستلة ان شاء الله تلحقها ..

المشاركة الأصلية كتبت بواسطة porsalina

السلام عليكم ورحمة الله وبركاته..
مع الأعتذار للجميع. وعميق الشكر لكل من ساهم في تأسيس هذا الموقع، أو ساهم فيه بأي شكل من الأشكال.
أحببتي انا عضو جديد.. وأرجو أن تتسع صدوركم لي قليلاً. فنحن شعب صامت !! نخاف الحديث ؟ .. ونشاهد أرزقنا تنهب " عيني عينك " ،، وردة الفعل دائماً واحده " شفت رفعوا سعر الرز، لا ويقولون البيبسي يبي يصير بريالين ! طبعاً .. يصير بريالين ولو أني الجميح أسويها،، الناس ما تناقش!. ولا تسأل!. ولا تعترض !!! .. وان حصل شي برنامج لمدة ساعة بالتيلفزيون، وينتهي الأمر بمكتبة برامج التيلفزيون، وينتهي الموضوع!.
.. يعني نفسكم قصير، إلا ما فيه نفس؟.. أنا اللي قاهرني صحن حمص.. نفس حجم الصحن حق الفول اللي بريالين،، بسبعه ريال بالخبر من مطعم ابو فتحتين !. انتبهت بعد ما دققت على الفاتوره.. اتصلت على المطعم ابي أمسح بهم البلاط رد علي الموظف رد سكّتني " يأخي كل السعوديين بياخدوه " .. قلتله شكراً صحيح.
.. نرجع لموضوعنا، إذا كانت المقاطعه مجرد " طياش بيبسي " .. اللي يبي يصير بريالين، وينسى الناس الموضوع ؟ .. بلاشي منها، لإنها أصبحت تضر ولا تنفع.
. عندي سؤال:-
- لو رأيت شخصاً بجوارك يريد شراء أحد الأصناف المذكوره.. ماذا تفعل ؟

لا بإذن الله النشاط يزيد يوماً عن يوم ولله الحمد أشبهها كما قال احد الاخوان بكرة الثلج .. مع الوقت تزيد سرعتها وقوتها ويكبر حجمها

وان شاء الله انها بتطيح فوق راس كل تاجر طماع ما يخاف ربه

بخصوص سؤالك الاخير .. فالجواب انني لا اجد حرج بان اقول له الرف مليان اصناف اخرى ياصاحبي .. وللمعلومية فإن هذا المنتج بيدك قد رفع سعره وهو تحت المقاطعة .. ثم "ابتسامة صغيرة" )