انا متعود اشتري البسام ... لكنني مره صار فيني مقلب وانا رايح لاجتماع الصباح واكتشفت اني ناسي شماغي ... و والمحل اللي لقيته فاتح وقتها ماكان عنده البسام فنصحني بشماغ اسمه فيرست مان First Man وشريته ، الصراحة خفييييف وماراح اشتري الا هو او واحد مثله في الخفه.

من خلال تجربتي اجد ان ميزته الرئيسية انه خفييييف ، يمكن خفت لمعته شوي وفيه شوية شطط بعد الغسيل.. بس مو للدرجة اللي تعيبه ، وهذاني البسه ، مع العلم اني حريص على مظهري ومظهر شماغي واللي تحتمه علي طبيعة عملي والناس اللي احتك معاهم.

في العيد اضطريت اني البس شماغ البسام لانه كان مكوي وجاهز ... يوم لبسته حسيت اني شايل طشت ملابس فوقي ورايح انشرهم على حبل الغسيل ههههه.. شماغ البسام جنبه ثقيل.

اللي يدور شماغ خفيف ياخذه ، وسعره اذا ماني غلطان حول ال 100 ريال.

وما انصحكم تلبسون الاشمغة دايم .. تراها تحفز الصلعه هههههه.

تحياتي