المشاركة الأصلية كتبت بواسطة كرامة انسان

ماجاب فينا العيد الا سالفة يمسك سعره.... هذي علوم الشريطيه
الواحد يشتري سيارة له وللزمن تريحه ويأمن فيها نفسه
الا اذا كان شريطي بيفكر ف موضوع السعر ...لانه عموما اي سيارة طايح سعرها طايح بعد 5 سنوات من الاستعمال
وبعدين دامك قلت الكروزر ... هذي سيارات ماتجدها الافي دول زي باكستان واليمن (بيئتها صخرية صحراوية) وكم من اللي يشترونها يستعملونها لهذا الغرض اكثرهم مايطلعون البر حتى ولى قد استعملوا الدبل بس اللهم عشانها تشيل العائلة يعني محسوب عليه الدبل على الفاضي ومتحمل قساوة وعفاشة الكروزر على الفاضي وهو ماله في الطرق الوعرة
ولو حبينا نجمع بين الراحة والفخامة والطرق الوعرة الجيوب الامريكية والاوربية ياكثرها و سعرها قل من ابو جميل وجودتها اعلى وقطعها ليست بذلك الغلاء كمان الغش فيها اقل من تويوتا اللي اخلط حابلها بنابلها اصليها بتجارييها

السلام عليكم ورحمة الله وبركاته

الجموس الامريكية والاوربيه أذا كانت تجمع بين الراحة والفخامة والطرق الوعرة على كلامك فانه ماتجمع التحمل والصبر
الوالد عنده اكسبدشن موديل 2010 راح فيه للقصيم وراح لكم مشوار ورجع بعد ثلاث ساعات يوم رجع للرياض وترتفع حرارته
مع أن الوالد محافظ على السيارات
كان عند الوالد VXr يوريه الكرف الكريف مايقول شي قوة والراحة والفخامة متعادل القوة والتحمل

بصراحه مبلغ خيالي لسياره مثل اللكزس

مافيه اي مواصفات تستحق قيمته ..... ياجماعة الخير وسائل السلامه احد سئل عنها

شوفوا وسائل السلامه في المرسيدس والمواصفات وموانع الانزلاق وغيرها راح تلقون

ان اللكزس مجرد ددسن في عالم المرسيدس

المشاركة الأصلية كتبت بواسطة ابومحمد1

قامت شركة عبداللطيف جميل الغشاشة وكالة لكزس بسحب جميع جيوب اللكزس من الرياض على حسب علمي وعندما سألنا عن السبب لم نجد الجواب ولكن قال لنا البائع ان الجيوب لو تشتري الاا ن لن يصلك الا بعد 3 اشهر وهذي طريقة التجار الحرامية يسحبون البضاعة من السوق حتى يكثر الطلب عليها ثم ينزلونها بعد فترة طويلة مع رفع السعر طبعا وهذي من اقدم افكار التجار الحرامية التي الا الاان وزارة التجارة لم تقدر على حلها للاأسف. المهم ان عبداللطيف قر ر رفع اسعار الجيوب حيث ان سعر جيب اللكزس اعلى فئة سيصبح 370000 ريال بدل ان كان 360000 بزيادة عشرة الاف ريال بدون سبب والعب يامعلم لاقانون يحمي و لا نظام يراقب و لا مستهلك واعي

قاطعوهم
اجعلوهم يندمون