شكله جاي يلمع صورة المطعم

على العموم اذا كان صاحب المطعم بالاساس حضرمي .. اغسل يدك انه يخفظ الاسعار لو البظائع تنزل عنده ببلاش ..

انا اشتغلت في محل بيع مواد غذائية بالجملة والمطاعم معروفه ما تاخذ بالحبة وسعر الجملة اقل بكثير والفائدة للمطعم اكثر اقل شي يطلع كرتون ولا ثلاثه كراتيين دجاج ببلاش ... وهذا يشمل الرز وخلافه

من ناحية اللحم ما اعتقد انه بلدي لأن المطاعم تشتري مجمد ويجي من السودان مثل ريدان هنا في جدة وغيره

على فكرة سعر الذبيحة كاملة مجمد قرابه 300 ريال ..

مطاعم الرومنسية كيف حالك ....

ترا الشعب مو غشم ولا يفهمون كل شي صار مكشوف ومعروف و رفع الاسعار بسبب المواد الغذائية هيه بس حجة للكسب السريع ..

اقول

ترا فيه فيضانات في تايلند ويقولون محصول الرز تظرر ما ادري اش وضعكم راح ترفعون الاسعار ..؟؟

تجربتي مع الرومانسية .. فرع العقيق
مرت بي ضروف لفترة اضطريت للتعامل معهم وأكتشف في كل مرة تقليلهم للرز رغم تنبيهي لهم .. أما
الدجاج غير ثابت مستوى طبخهم لهم مرات جيد .. ومرات غير جيد وحجمه صغير .. والاحظ زبائنهم غالبيتهم العزابية وموظفي الشفتات وبعض المسافرين .. وعليهم ملاحظة الأهمال في ورقة السعر تكون ملطخة بالدسم والرز وملزقة على الطلب .. هل هذا منظر مطعم معترف به الايزو .. مطعم نصف نجمه
في مكان آخر في العالم لايقدم الطلب هكذا لكنهم استرخصوا الزبون .. معاملتهم للزبون رسميه وغبية وجلفة .. وكأنه لايوجد منافسون ومطاعم أخرى غيرهم .. بعد فترة بسيطة تركتهم بعدما رفعوا للأسعار
وقللوا الكميات .. والآن والحمدلله لي تقريباً حوالي السنة منذ تركتهم ومافي أحلى من أكل البيت والحمدلله على كل حال ..

مطاعم الرومانسية إلى الهاوية
تراجعت كثيراً حيث ان السعر زاد والنظافة قلت والمذاق افتقد

شين وقوي عين

بختصر لك الخلاصه اللي طلعت منها من خلال تعاملي مع الرومنسية لمدة ٨ سنوات تقريبا

في البداية : المنتج = سعر +جوده + كمية
بعد خمس سنوات: المنتج = (جوده+ كمية) -سعر
قبل ثلاث سنوات وبداية المقاطعة: المنتج = جوده - (كمية +سعر)


وكل مره احد يجي طاريكم اقول لا يفشلونكم مع ضيوفكم لاني تفشلت مع ربعي اول مره اشوف الرز يخلص على اول رد

حشفا وسوء كيلا..

للأسف رزهم ودجاجهم الله يكرم النعمة ..
ياليت نقلل كلنا من أكل المطاعم توفير وصحة

الكلام كلها تلميع في تلميع بدون فاايده

الحمد لله كنا اول من عندهم الذبايح والغدا
من بعد رفعة الاسعار والمقااطع الفااضحه من سواء نظافه وغيره
ومن بعد ساالفة مطري اللحم الي اعترف فيه احد ألعمااله عندهم
ومطري الحم يسبب تشوه لاأجنه
من كلام الدكتوره

وهذا الي يستخدمه مطعم الرومانسيه

سوال / انت انت تقول انكم مطعم عندكم في كل فرع مائة عامل وهذا انه عندكم طلب والزبائن واجد اللهم لا حسد، طيب ليش ماتحترمون الزبائن وتحاولون التقليل من السعر بالطرق التي تستفيدون انتم وهم يستفيدون، وذلك عن طريق تربية مواشي تابعة لكم فمنها راح تتكاثر مواشيكم وتكون بدون سعر فائدة التاجر الذي كان يبيعها لكم، وبالاخير كانت فائدتكم اكثر وسعركم اقل.
ثانيا/ جودة اكلكم ليست دائما في نفس المستوى مرة فوق ومرة تحت ونفس الكلام على الفروع فيه فرع يفرق عن فرع في الطعم.
ثالثاً/ اتذكر مرة وصيت اخوي يشتري ذبيحتين ويوديها الى المطبخ ، ومن رداة الحظ انه وداه لكم ، واكتشفت اني صح في مقاطعتكم، لما جاء وقت تسليم العشا(فرع سلمان الفارسي) تخيل ماذا قال الفرع لايوجد لدينا سواقين ، واغلبهم عندهم ارتباط في توصيل الذبائح لمناسبات، وتعال انت استلمها، وانا مستأجر استراحة في المؤنسية والضيوف عندي وسوالف وضحك، وذهبت وتركت الضيوف عشان اجيب العشا المطبوخ في الرومانسية بمبلغ اغلى من السوق عشان الخدمة وللاسف مافيه خدمة، والناس تعشوا يمكن الساعة العاشرة من زحمة الرياض.

المشاركة الأصلية كتبت بواسطة مطاعم الرومانسية

السلام عليكم

حيا الله الجميع
سأحاول أن ارد على جميع الاستفسارات بعقلانية .

اتمنا ان ارى ردوداً تليق بوعيكم ورقيكم وسيتم التجاوب معكم
لن افرق بالرد بين إدارة او عضو فالكل سأرد علية بما يناسب فاتمنا الابتعاد عن الاستفزازات
والتنقيب عن الأخطاء والزلات فكلنا لمقصد التواصل معكم .
والهدف الأسمى ان نصل لما يرضي الجميع
ونعرف بعض اكثر كوني مطاعم الرومانسية وكونك عميل

اعطني شكواك اعطيك سبباً
وأختر اسلوباً يليق برسالتك ووعيك وردودك
ــــــــــــــــــــــــــــــــــــــــــــ
بغض النظر عن الجنسيات والاشكال والالوان
فالرومانسية مطعم سعودي له من اسمة نصيب في ارض سعودية
فاتمنا دائرة الحوار حول المطعم لا حول الاشخاص
محبكم

يا من تنتسب لقسم التسويق و لا تعرف مبادئ التسويق !!!!
يا من تتبجح بشهادة الأيزو .....
من قام بإجراء التفتيش لمنح الشهادة لأقوم بمقاضاته ؟
عليك بإحترام كل عضو من أعضاء المنتدى الكرام فكرامتهم أهم من مطعمك و من يقف خلفك !!!
أتحداك ثم أتحداك بأن تجيب على أي سؤال بشكل مقنع بسبب ضحالة أفكارك و إفتقارك لأدبيات الحوار .
لا تعتقد أن الأموال التي تجنيها سترفع من قدرك أو إحترامك ....
و الكذب حبله قصير ..... و العيب من جهاتنا الرقابية .... و ثقافة إدهن السير !!!

و إحترامي و تقديري لأعضاء المنتدى الكرام و أعتذر لهم عن سوء أخلاق ( الدعيّ ) .
أخوكم
for positive saudi