يقول صاحبي:

كنت مستأجر شقة ب28000 في السنة والاجار يحل اخر الشهر يعني بعد اكثر من 15 يوم بس كعادتي الميمونة حبيت اريح نفسي وادفع قبل الموعد وارتاح ... كلمت راعي العقار وقلت له يجي ياخذ الاجار او انا اجيه ... قال لا بجيك انا اتقهوى عندك ... قلت له يا مرحبا ومسهلا .

واردف صاحبي: (اما اردف هذي رهيبة)

جاني واعطيتة الاجار وقال لي الله يهديك دايم مستعجل والي عندك مخبور ومن هالحكي الفاضي ... المهم الرجال اعطاني وصل استلام وورقة ثانية معاها مكتوب فيها ان الاجار اعتباراً من الفترة الي بتجي بيكون 32000

واكمل صاحبي والعبرة ناشبتن في عينة (ماله داعي التعبير)

حاولت اخذ واعطي معاه مافيه فايدة ... حاولت افهمة ان الشقق الجديدة رافعين الاجار لان المواد ارتفعت عليهم اما انت باني من اكثر من 6 سنين يوم الاسعار معقولة والتكلفة مقارنة بالدخل متساوية وجيدة كأستثمار ... اصر ان حاله من حال غيرة والي مأجرين على 40 و 37 مو احسن منة.

واسترسل صاحبي في الحديث:

بصراحة ما عرفت انام البارح وجلست افكر لو اني لا سمح الله توفيت وش بيكون حال عيالي وكل يوم الاجارات مرتفعة وساكنين اجار وقررت اشتري دبلكس استر عيالي فيه على حياتي.

---------------------------

انا بصراحة جالس ادور له على دبلكس وادور لي معاه لأني اشوف راعي العمارة الي انا فيها يتبسم واجد والاجار يحل بعد شهرين واكيد انه بيرفع الاجار

يا شباب الي يخبر للرجال ولي دبلكس زين بسعر مناسب في الدمام يعطيني خبر لانه ناوي يشتري ولا يجلس تحت رحمة الناس.

الله يعين الجميع

صراحه الي قاعد يصير لا يحتمل
لازم من وقفه جاده في جشع التجار بجميع فئاتهم

بصراحة الشقق وصلت الى هالاسعار
لو يقسط عن طريق البنوك فلة صغيرة او دبلت كبد (دبلكس ) و بالمحصلة ان البيت يكون باسمه
حسبي الله عليهم ونعم الوكيل

الله لا يبارك له في ما أخذ ليييييييش يزيد الأجار لا هو خسران ولا مظلوم بالسعر شقة ب28000 ألف ويزيد السعر 32000 يعني 4000 ريال زيادة الله لا يبارك فيه ويجعلها نار يصلى بها يوم القيامة
لا اله الا انت سبحانك اني كنت من الظالمين

الله يستر من راعي البيت اللي انا مستأجر عنده لا يرفع الايجار
مع أني ساكن عنده خمس سنوات ..

لالالالالالالا ما اتوقع يسويها

اقووول دوروا لي على خيمة اسكن فيها

حسبنا الله ونعم الوكيل

لا تدفعوا الاجار وخلوه يروح يبلط البحر مثل قصه طاش ماطاش

اصلا 28000 ريال غالللللللللللللللللللللللللليييييييييييييييييييههه ههههههههههههههه

بصراحه يعني تعتقدوا الاجانب هم السبب والا طمع ثلة قليله من ابناء هذا البلد؟؟؟؟؟؟؟؟؟

كيف الحل في موضوع الايجارات ؟؟؟؟؟؟؟؟؟؟

طيب اللي مايقدر حتى يشتري دبلكس ولا يقدر حتى يشتري صندقه وش يسوي ؟؟؟؟؟؟؟