حل مشكلة الكمبرسر في سيارات اوبترا وابيكا وافيو - الصفحة 2

Oz · 25-05-2009, 12:43 AM

اقتباس:

المشاركة الأصلية كتبت بواسطة البرنس الذهبي

أخوي أبي أسأل دام إنك واجهت هذه المشكلة

أولا وش موديلها سيارتك

وثانيا هل المكيف يخرب بسرعة للسيارات اللي ذكرت وماهو سبب خراب المكيف معك

بمعنى هل كان خرابه فجأة بدون مقدمات أو كان فيه سبب أدى إلى خرابه

وهل خرابه بشكل مستمر يعني هل فيه ناس كثير ممن يستخدمون هذه السيارات يخرب معهم المكيف بسرعة

وشكرا لك

سيارتي موديلها 2004

بداية الخراب ياطويل العمر هي بعد مرور سنتين على شراء السياره صار المكيف اذا مشيت مسافات طويله مايطلع هواء لازم اوقف السياره واطفيها نص ساعه بعدين يرجع يطلع هوا ويبرد

وعلى هذا المنوال لما قبل سنه صار خلاص مايبرد ابد

وياطويل العمر ولد اخوي معه ابيكا وصار نفس الخراب وأكثر من واحد مع نفس السيارات ونفس المشكله طلعت معهم

**البرنس الذهبي** · 26-05-2009, 01:03 AM

اقتباس:

المشاركة الأصلية كتبت بواسطة Oz

سيارتي موديلها 2004

بداية الخراب ياطويل العمر هي بعد مرور سنتين على شراء السياره صار المكيف اذا مشيت مسافات طويله مايطلع هواء لازم اوقف السياره واطفيها نص ساعه بعدين يرجع يطلع هوا ويبرد

وعلى هذا المنوال لما قبل سنه صار خلاص مايبرد ابد

وياطويل العمر ولد اخوي معه ابيكا وصار نفس الخراب وأكثر من واحد مع نفس السيارات ونفس المشكله طلعت معهم

الله يعطيك العافية

طيب هل كل السيارات كذا يعني خربان خربان لامحالة من بعد السنتين
والا كل واحد ونصيبه والموديلات الجديدة 2008 2009 نفس المشكلة أو تم تلافيها

Oz · 26-05-2009, 01:38 AM

اقتباس:

المشاركة الأصلية كتبت بواسطة البرنس الذهبي

الله يعطيك العافية

طيب هل كل السيارات كذا يعني خربان خربان لامحالة من بعد السنتين
والا كل واحد ونصيبه والموديلات الجديدة 2008 2009 نفس المشكلة أو تم تلافيها

والله الموديلات الجديده مدري عنها

لكن إن شاء الله يكونوا عالجوا المشكله بالموديلات الجديده

**talal5588** · 27-05-2009, 04:19 AM

شكرا على الموضوع
انا عندي ابترا 2005 غيرت لها كمبرسر من التشليح وماظبط
بعد كذا اشتريت نوع كوري بـ750 ريال الاصلي في الوكاله قيمته 1400
وركبته بـ300 وما بر رجعت للكهربائي وعباه فريون خاص لسيارات فورد طبع هو يقول قيمته 150 ريال الفريون ونوع الفريون الاول بــ 100 ريال بعد كذا يبرد لكن ماهو اللي يثلج صح خصوصا الظهر تبريده مش ولابد لكن اذا مشت السياره يعطي تبريد يمشي حاله واذا وقفت يخف التبريد

هل هناك حل

**امير الظلام** · 27-05-2009, 01:01 PM

انا عندي اوبترا 2006 لما اشغل تبريد السيارة وامشي مسافات طويلة يقل عندي دفع الهواء من خلال الفتحات هل هذا نفس السبب اي بلف الكمبريسر ارجو منكم الجواب

**يارب عفوك ورضاك** · 29-08-2010, 05:27 AM

اقتباس:

المشاركة الأصلية كتبت بواسطة امير الظلام

انا عندي اوبترا 2006 لما اشغل تبريد السيارة وامشي مسافات طويلة يقل عندي دفع الهواء من خلال الفتحات هل هذا نفس السبب اي بلف الكمبريسر ارجو منكم الجواب

توها بدت معاي نفس مشكلتك بعد مرور اربع سنوات من شراء السياره
وما ادري ايش الحل على الرغم لما اوديها عند الكهربائيين يقولون مافيها شي وتبريدها زين

وكذلك مشكله اعاني منها من بعد ماعديت 60000 الف كم
وهي بعض الاوقات لمبة AC ماتشتغل ولايشتغل معها الكمبرسر
لدرجة يوم من الايام شغلت المكيف وما اشتغلت لمبة AC وانكسر بلف الحراره

**تايني37** · 26-05-2009, 12:50 AM

اقتباس:

بداية الخراب ياطويل العمر هي بعد مرور سنتين على شراء السياره صار المكيف اذا مشيت مسافات طويله مايطلع هواء لازم اوقف السياره واطفيها نص ساعه بعدين يرجع يطلع هوا ويبرد

وعلى هذا المنوال لما قبل سنه صار خلاص مايبرد ابد

وياطويل العمر ولد اخوي معه ابيكا وصار نفس الخراب وأكثر من واحد مع نفس السيارات ونفس المشكله طلعت معهم

هذا يثبت أن المشكلة مصنعيه ومن المفترض أن تقدم شكوى رسمية للشركة المصنعه أو للإدارة الإقليمية في منطقة الخليج وصورة مع السلام لوزارة التجارة وأخرى للجنة حماية المستهلك......

.

Oz · 26-05-2009, 01:37 AM

اقتباس:

المشاركة الأصلية كتبت بواسطة تايني37

هذا يثبت أن المشكلة مصنعيه ومن المفترض أن تقدم شكوى رسمية للشركة المصنعه أو للإدارة الإقليمية في منطقة الخليج وصورة مع السلام لوزارة التجارة وأخرى للجنة حماية المستهلك......

.

ايه ان شاء الله يصير الي قلته لو حنا بدولة متقدمه

**تايني37** · 26-05-2009, 05:47 PM

اقتباس:

المشاركة الأصلية كتبت بواسطة Oz

ايه ان شاء الله يصير الي قلته لو حنا بدولة متقدمه

عزيزي Oz هذه السلبية مني ومنك ومن الجميع هي التي جعلت الوكالات تطمع فينا وتستغلنا اسوء استغلال .

**مستمسك** · 26-05-2009, 09:49 PM

تصدقون يا اخوان ان شركة دايو اللي تنتج افيو واوبتر وابيكا . كانت ممتازه وقويه من اقوى السيارات قبل ماتشتريها شركة جنرال الامريكيه . لكن الان تعال شوف , مشاكل في الكهرباء والحساسات والفرامل . والبخاخات . انا اتكلم معكم من واقع تجربه وخبره . تحس ان الاعطال مقصوده ؟

صاحب شركة تأجير سيارات .