انا اخذ السمك من مبيعة الخضار اللي في الربوه مخرج 14 و سمكهم ما عليه داخل المبيعه بين المبيعه و الدايري بتلقاهم ورى المسجد

ما عليه سمكهم طازج و تحس انك بالدمام ولا بجده بعد اما ما تبي ريحة السمك فا اعتقد انها صعبه شويتين و انا اخوك

و عندهم شوي او قلي على كيفك


بالحجاز انا افضل سمك الحريد لانه اكثر من ممتاز بالطعم و لحمه زين لكني ما القاه كثير بالرياض ولا بالدمام و لو لقيته تلقاهن صغار

و اغلى السمك بالحجاز اللي هو الناجل يوصل سعر الكيلو الى 120 ريال لكن ما تلقاه بالرياض الا نادرا و ما يبونه بعد اهل نجد ولا الدمام و لو لقيته تلقاه رخيص سعر الكيلو تقريبا 50 الى 70 ريال


و بالدمام يفضلون الهامور او الزبيدي بالنسبه للهامور يجيك دووب و فيه لحم ما عليه كثير و الطعم انت الحكم لكن انا ما افضله و شوكه كثير بعد

و بالنسبه للزبيدي يصلح للي يمزمز سمك يعني لحمه شوي لكنه لذيذ و يبيله واحداً يقعد له على ركبه و نص و يقعد يمزمز على اقل من مهله


و للاطفال يفضل الكنعد لانه سبحان الله ماله شوك و فيه عمود فقري يعني اجدعه عند البزران و خلهم لكني بعد ما حبيت طعمه كثير

المشهور عند الكثير اللي هو الشعور لكني ما افضله لانه كثيرا شوكه و ماهو باين الشوك الا يبيلك قبل تاخذ اللقمه تفرفرص ابو ابوها
تاكد من خلوها من الشوك بعكس الحريد شوكه كبار و باينات يعني بسهوله تتخلص منه

و عادة يوكل مع السمك رز الصياديه المعروف بلون البني او الرز الابيض

(( ان كانك راعي رزوز مثلي ))

او يوكل السمك مع طحينه و سلطة خل و ليمون و بعد يجي طعمه زين

و اسف على الاطاله

و


اتمنى اكون افدتك ..........

لا عدمناك و صحتين و عافيه مقدما