80 % من سوق الإطارات في الرياض.. «جنوط مضروبة»!

**Brave Heart** · 09-11-2009, 01:07 PM

سأحكي قصتي مع شارع الغرابي بالرياض

سيارتي فورد فكتوريا جنوطها سوداء وبدون طيس <--- شكلها شبهة

رحت لمحلات الجنوط بالدمام ما لقيت شي ، نصحوني أروح الغرابي في الرياض . لقيته أخس !!

دخلت الغرابي صبح الخميس ، كل ما أروح محل " سلام عليكم "

" وعليكم السلام "

"جنوط أصلية لفورد عندكم " ؟

"أصلي مافي ، تجاري موجود "

" لا شكرا ما أبي تجاري عشان الشكل ،الجنط الأصلي ولو كان قبيح فهو آمن بإذن الله "

ومن محل لمحل ، لين قال لي واحد راعي محل بعظمة لسانه " أصلي ما تلقى هنا، كله تجاري "

بعدها اتكلت على الله وإلى الشرقية بخفي حنين

----------------------------------------

المشكلة عندنا عقدة المظاهر ، صحيح منظر السيارة مهو زوين ، لكن السلامة أولا وأخيرا

أقعد وموتري جنوطها حديد أصلي وقبيحة ، ولا جنوطه حلوة وتجارية !!