السلام عليكم ورحمة الله وبركاته

اسمحوا لي يا اخوان ان ادلي بدلوي
انا اعتقد ان السالفة ماهي سالفة بنقالي والا مصري والا لبناني او بريطاني
كل جنسية فيها الجيد واللي يفيدنا وفيها غير الجيد ويضرنا
حتى حنا السعوديين فينا الزين وفينا الشين لكن هناك مقولة بدوية تقول

(خشمك منك لو يعفنك )
والكلام هذا معناه لمن يريد توضيح ان السعودي مجبوره بلاده انها تضمه وتعالجه وتهتم فيه من جميع النواحي حتى وان كان مستواه العلمي او العملي مايقارن بمستوى غيره من العماله الوافدة وناخذ سالفة الطيارين هذي مثال
الاخ يقول تم التعاقد مع طيارين بنقال
مافيه مشكلة بس كم رواتبهم خلونا نقول خمس الاف هذا اذا قلنا انهم راضين بالهم مع اني حسب ما سمعت ان الطيارين من اعلى الرواتب في العالم
طيب مافيه شباب سعودي جالس بالشوارع ياكل فصفص ومخلص من الثانوية وصايرين عاله على المجتمع هؤلاء ماتعتقدون انهم يرضون براتب خمس الاف بس يبغالهم شوي تدريب سنتين بالكثير ويصيرون طيارين ورواتبهم مثل رواتب البنقاليه لا وازيدكم الدولة راح تستفيد من رواتبهم لانها راح تستثمر داخل الدولة مهو مثل العماله اللي شغالين تحويل بالهبل مع الاخذ بالاعتبار ما نشاهد في الصحف ان الوافد الفلاني تم اكتشافه مزور شهادة طب او هندسة او او او
المشكلة يا اخوان ماهي مشكلة نوع الجنسية
المشكلة اننا لازم نفهم شئ وهو ان ابن البلد مهما كان وضعه حتى وان كان مجرم او حرامي او مايفهم لازم بلده يوجد له حل لمشكلته يحل مشكلته مهما كان وهذا واجب المسؤولين ايجاد الحلول والاصرار على تطبيقها وما نبغى نسمع شعارات مثل الاستثمار في بناء الشخص السعودي وهم شغالين استقدام
والله يا اخوان فيه وافدين يتحكمون بابناء البلد ويرأسونهم ويذلونهم وياخذون منهم الرشاوي وانواع الابتزاز كله لان المواطن مرتبته اقل من مرتبة الوافد وهالكلام انا واقف عليه بنفسي وفي دائرة حكومية مع ان شغلة هالوافد يقدر يقوم فيها واحد سعودي بشرط انه يعرف يستخدم الكمبيوتر واذا ناقشت اصحاب القرار قال لك هذا خبرة طيب الى متى والاخ هذا خبرة والسعودي ما عنده خبرة ننتظر تقوم ناقة صالح حتى تجينا الخبرة
وسامحوني على الاطالة وشكرا لكم

الموضوع تشعب أكثر من اللازم ..

نرجع للموضوع الأصلي ..

بحثت في الموضوع و لم أجد حتى الآن ما يثبت صحة الخبر .. حتى منتدى موظفي الخطوط السعودية فيه الخبر و لكن من نفس المصدر و لم يؤكده أي أحد.

نقطة أخرى .. الخطوط لديها طيارين من جميع الجنسيات و هناك تذمر واضح بين موظفيها من هذا الأمر .. لكن دعونا لا ننسى أن الخطوط لديها أكاديمية تدريب و بعض هؤلاء الطيارين يدرسون على حسابهم لدى الخطوط (هذه معلومة سمعتها من أحد العاملين في الأكاديمية) .. فلا يعني وجود طيار أجنبي على طائرة الخطوط انه موظف لديها.

أخيرا .. السؤال ليس في كون الخطوط لديها طيارين أجانب فهذا أمر معروف من زمان .. السؤال .. هل تم التعاقد فعلا مع مجموعات جديدة (بغض النظر عن جنسياتهم) ..

و إن حصل هذا فعلا .. فما هو مصير العشرات بل يمكن المئات من الشباب السعودي الموجودين على قائمة إنتظار التوظيف و الذين تغربوا و درسوا على حسابهم الخاص أملا في أن يحصلوا على وظيفة في الخطوط .. أليس هؤلاء أولى من الغريب الذي (كده و إلا كده) ستصرف عليه الخطوط لتدريبه؟

إلا إذا كان هؤلاء الطيارين مدربين و جاهزين للطيران مباشرة و وضعهم راح يكون مؤقت لحين الإنتهاء من تدريب السعوديين الذين سيحلون محلهم.. عندها ممكن نتقبل الوضع لأنه سيكون مؤقت.

اخوي لاتدف
للأسف أتيت لتثبت جرائم البنغال بمقال يبدو أنك لم تقراءه وهو حجة عليك وفية أثبات للمنصفين فقط بأن الموضوع كله فقاعة أعلامية.

أما الأثبات الوحيد الذي أحضرته هو الكاريكاتير وهنيا للك بهذا كأثبات.

وين المقال الله يهديك بس ويخليك لعين ترجيك.. هذا خبر صحفي ولقاء ..
اجيب لك مقابلة الدبلوماسي مع سبق وجريدة الحياة وتقولي ماهو اثبات
اجل وش الاثبات ؟؟
عموما هي وجة نظر
اتقبلها بصدر رحب