أبو هشام .. على عيني إنه أستلم تركه فاسده و إداره متأصل فيها البلا و لكن ..

- كمدير عــــــــــــــــــــــام معقوله ما يقدر يستخرج فايروسات الجشع اللى متأصله بالإداره , يمسك عليهم ورق ,, يخبطهم ببعض و يطلع بالحقيقه ,, يعمل له طقم إدارى سري خاص فيه مهمته كشف الحقائق ( 8 سنوات .. إيش كانت الإنجازات للمواطنين ؟ )
- ما يقدر يتعاون مع أى شركه مثل السابقه Twa أو غيرها لإعادة أمجاد الخطوط ,, هوا جاى يخصخص ولا يمسك إداره ؟
- على سيرة الخصخصه .. شوية البلوكات اللى بخط الحوامات ساخط لى الشارع مخليه حاره " يحسب المطار سفاره " و مفضي نص العماير بدعوى الإيجار و أكشاك التذاكر من ناحية خط الملك تقول كوفيهات خط سريع و تقليل إستئجار قاعة ليلتي بالله هذا هو اللى جاى علشانه ؟ " إيجار البلوكات اليومي 20 ريال ,, أضربها بعدد الموجوده حول الخطوط ثم أضربها بالشهر ثم أضربها ب 7 سنوات ماضيه , وين التخصيص ؟ "
- مبنى 5 | الإسكان | مكاتب الإدارات | القاعه التعيسه اللى نص الشعب أتجوز فيها على ماهى عليه من 92 .. الجدران و الأرصفه متشققه حتى البوية هيا نفسها مافي غير أضرب فوقها .. إيش كانت إنجازاته ممكن نفهم ؟
- ال 60 ألف موظف إيش مهمتهم ؟ هيا شركة ولا جمعيه إعانه ؟
- الطيارات المعيوبه سيرتها على كل لسان , ليش ما حاول يستغل النظام و يستبدلها أو حتى يتلفها مادام إنه قرار تعيينه ملكي , يعنى ما راح يتم شئ حتى يروح علينا كذا ميت فرد من أهالينا ! هيا عادة لأى قطاع حكومي ما يتحرك المسؤولين الا بالضحايا , ياخى لا يغير الطيارات .. يغيرو طقم الصيانه الفاشل اللى ما يعرف أبجديات صيانة ال A و B و قاعدين يتعلمو عليها ( عندى فيديو قديم شوية للموضوع هذا يحتاج لبحث ) ولا هاذول كمان عندهم حماية من فوق ..

لاحظ إنى مركز على الإداره و ليس المطار لأنه هو الأساس ,, لو كان فعلا بيتواجه مع " رؤساء الظلام " كان قدر يحذف واحد او إثنين على الأقل ,, كان سمعنا بأى شئ يخدم العميل ( اللى الخدمه موجهه له بالمقام الأول تحت مسمى مشغل وطنى و ليس مشغل خاص ) لاكن اللى بيحصل العكس , 8 سنوات من التخبط و الفشل و الأدهى بإنه قبل التمديد على عكس أحمد مطر اللى أنسحب و ليس أقيل أو طلع تقاعد , لاكن هذه أزمه عشق الكراسي الله يفكنا من عشاقها .