المشاركة الأصلية كتبت بواسطة ابوطلال

حياك اخوي ابوعلي
لاجديد حضر المذكور للمحكمه بالخفاره وكان مبسوط والضحكه تملا وجهه ويقول انه سوف يعطي كل من له حق حقه ولكنه لايستطيع حاليآ لانه مسجون حسب كلامه يعني يريد ان يخرج ويلعب لعبه ثانيه على ناس اخرين .
بعد ذلك رفض القاضي ان تقدم الشكاوي بشكل جماعي وان يقدم كل طلب على حده وينظر فيه لوحده .
وتم اعطاء المتظررين مواعيد جديده ويوم الثلاثاء انشالله لنا لقاء معه .
اشكر اهتمام الجميع .

كيف كل شكوى تقدم على حدة ... عيني على كذا راح تطول المده ؟!
كم متضرر تقريبا راح يرفع قضية على صاحب المكتب ؟
وهل سيبقى في السجن ام يقدر يطلع بكفاله ؟

اعوذ بالله كيف يستلذون اكل مال الحرام وكيف تسمح لهم قلوبهم انهم ياكلون عيالهم من مال حرام

الله يغنينا بحلاله عن حرامه ..

حياك اختي عميدة المنتدى
والله هذا اللي حصل وتم اعطائي موعد يوم الثلاثاء وبعد ان حضرت للمحكمه يوم الثلاثاء طالبت بالمبلغ الذي اخذه مني المذكور وكذلك مبلغ التاشيره الجديده لان التاشيره السابقه تم استخدامها من قبل المذكور ولم تحضر بها خادمه وفسدت وكذلك طالبت بمبلغ الشرط الجزائي الذي بيني وبين المذكور (30 ) ريال عن كل يوم تاخير والان المذكور متاخر (13) شهر , تدرون بماذا اجابني المسؤولين في المحكمه قالوا ياخي لاتصير متشدد ويكفي ان تطالب بالمبلغ الذي اخذه منك فقط ومن ثم اقتصرت مطالبتي على المبلغ الذي اخذ مني وتم توقيعي بالمحكمه على هذا وكذلك وقع هو واعطائي موعد بعد اسبوعين .
ولكن عرفت من الاخوان ان المقصود من هذا الشي ان يثبت جميع المطالبات التي عليه حتي يمكن المذكور من استخراج صك اعسار ونروح حنا ونبلط البحر .
السؤال هو هل يعقل هذا الشي ولايتم مسألة المذكور عن اكثر من خمسة ملايين اين وضعها ولماذا لاترد لاصحابها .
اشكر اهتمام الجميع .

عاد اخر مره حضر في الجلسة العنزي ..وربي وكانه ماسوووى شئ...
تخيلو يقولوا انه وصلت عليه اربعة ملايين ريال سارقه من الناس

ويدعي انه خسر واكيد اكيد محولها على حساب زوجته وعياله ...
وبعدين يقعد كم سنه في السجن وتسسد عنه...
ويطلع ويستانس بالفلوووس... بس اي وناسه مال حرام ..
الحمدلله الذي عافانا مما ابتلاه وفضلنا على كثيرا ممن خلق تفضيلا

ابو طلال..
عليك نوووور
صك اعسار هذا للاسف اللي يبغاه وراح يسير ..وقول ام دينا ماقالت ...
هذي حركات النصابين بس على مين يلعبها ...
ان الله يمهل ولا يهمل...

الله يعافيكم اذا فيه اي خبر بلغونا الله ياخذ بحقنا منه

من لديه الافادة لا يبخل علينا بها
وصلتني من احد الاخوات هذه الـرسالة

حبيت أسأل إيش صار على موضوع الصهيبي للإستقدام لأن زوجي الله يهديه ماقدم على أي شكوى ضدهم لكثرة مشاغله يقول إذا مسكوه بيرجعون لنا فلوسنا وحنا بحاجة الفلوس الله حسيبه سمعت إنه جاء للمحكمة وقال إنه بيرجع حقوق الناس كلهم فهل هذا صحيح أرجوا إفادتي عن الموضوع الله يعطيكم العافية

ياناس تعبت وكل ماصار لي شيء دعيت عليه الله حسيبه وين أروح اقدم اوراقي الخاصة بمكتب الصهيبي ؟ طبعا أبغى المكان بالتفصيل لأني أبروح مع ولدي وهو مايعرف شيء ولو إني ماني بحاجة المبلغ كان ماهمني ولو فيه احد يقدر يأخذ أوراقي ويساعدني بأكون له داعية له بالفردوس الاعلى بالجنة .

ترا ما عندكم احد
زوجي يروح الشرطة يقول حولناه للمحكمة يروح للمحكمة يقول ما تحووولت
يروح الشرطة ويتاكدوا ويحولوها
الحين خلصت من المحمكة الى الامارة ومن الامارة الى الشرطة ومن الشرطة الى السجن..
واخر شئ ما في شئ.... للاسف كل اسبوعين نراجع ونفس الشئ ...
يالله
الظالم له يوم
...

الله لايوفقه دنيا ولا اخره

لايضيع حق وراه مطالب