صدقتى وﻻكن بوضع السوق و إرتفاع اﻷسعار و تقاربها و الفروقات حول 200 و 300 ريال مقابل 2000 ريال وأكثر " قيمة الغساله " فما أشوف فرق قوي بالمره . أتكلم عن ميزانيتي و الله يرزق الجميع .

اكثر موديلات عجبتنى كانت اﻹل جي ,, رحت لمعرض الوكيل الناغي و حددت ثلاث موديلات بالمميزات التاليه لغساله أماميه:

تجفيف 100% | تنظيف بالبخار | برامج متعدده | صناعه كورية | ضمان 10 سنوات على الديمنو أو الماطور >> أقربهم للتسميه ... بختم الوكيل و الصيانه منزليه و اﻻستبدال بظرف 48 ساعه باﻷكثر .

15 كيلو: 7,000 | 12 كيلو 6,000 | 7 كيلو 3,000 ( بدون تنظيف بالبخار )

ممكن اﻷسعار مرتفعه وﻻكن مقابل التوفير بالمياه ( أهم شئ ) و الصوت الهادئ نسبيا و سهولة عملية الغسيل ( أغسل و ألبس ) أشوف الموديلات السابق ذكرها باﻷسعار هذه مقابل الغساﻻت اللى تعبأ من اﻷعلى صفقه ناجحه لى على المدى الطويل .

لقيت موديلات أخرى تجميع صيني ضمانها سنه و سعرها أقل من النصف و أكثر من الموديلات السابق ذكرها مع حجم و مميزات أقل وﻻكن بصراحه ,, متخوف من إنها تضرب بعد السنة بكم شهر و أضطر لمسلسل غير و صلح و فك و ركب ... يعنى برضه رايح أدفع الفرق اللى وفرته و ممكن أكثر مادام الشغله إصلاحات .

فيه ماركات ثانيه مثل الجنرال و أظن الشارب مانى متذكرها بالضبط نصحونى فيها أكثر من مهندس مكيفات و غساﻻت وﻻكن مشكلتها " ساده " مافيها برامج متعدده مثل الموديلات الجديده و النصائح كانت على جودة التصنيع و برضه ماشفت فروقات سعريه قويه مقابل اللى ذكرتها .

منطق: شئ داخل فيه كهرب و مويه و ميكانيكا معادن أكيد بيضرب وﻻكان صمدت دبابات المويه ﻷكثر من شهر بدون إصلاح و هيا اللى مخصصه للبحر .

أيوه هيا و فيها اللى ذكرتيه و من ضمنها اﻹشعار أو الفصل التلقائى >> مانى متأكد أيهم .. عند اﻹكتفاء من كمية الماء لجلسة الغسيل .
بالنسبة للشغالات يحتاجو للتطبيق العملي مع المتابعه أول 3 مرات و بعد كده الشغله حتكون سهله .

كلامي بصفه شخصيه .. ما أعمم وﻻ أرشح و كلن له نظرته و خبرته .. بس حبيت أشارك معاكم ﻷنى فعلاً تهت يوم رحت السوق و مالقيت أحد يفهمنى التفاصيل .