الشغالة المستقدمة سريلانكية

تكملة القصة.........

انا كنت اراجع المكتب تقريبا كل اسبوعين.. وكل مره يعطوني عذر جديد

المره الأولى قال لي باقي يدورون شغاله لاني اشترطت تكون قد اشتغلت في السعوديه

( على فكره هل هذا الشرط زين ولا مو زين؟ وهل يؤثر في مدة الانتظار والبحث؟؟)

المره الثانيه رحت له لقيت الزهراني وقعد يدور في ملف اكسل عندهم حاطين فيه كل المعلومات

قال لي ياخي ما لقيت الطلب حقك

المره الثالثه لقيت السوداني وقال لي خلصنا الكشف الطبي حقها والحين باقي تدرس في مدرسة لمدة 3 اسابيع

(هل هذا صحيح؟؟ وايش يدرسونهم في المدرسه هذي؟؟ لازم نعرف المعلومات كلها)


المره الرابعه رحت له وقلت له ليش تاخرت وقعدت شهرين؟؟ وطلبت منه يشرح لي العملية كلها ويعطيني تواريخ او اي اوراق تثبت في اي مرحله من الاستقدام وصلو لها

رفض السوداني وبشده وقال لي "انا ماني ملزم اعطيك اوراق ولا بطيخ

المره الخامسه قال لي السوداني هي بتدخل السفاره اليوم عشان تطلع فيزه واعطيك خبر بعدها. (

نشفت ريق السوداني الين خليته يرسل لي رقم الجواز واسم الخدامه السريلانكيه عشان اتاكد هل فعلا فيه خدامه ولا قاعد يكذب علي)

المره السادسه دق علي راعي المكتب قال لي عطنا الفلوس الباقيه<< يحسبني هطف

رحت له في نفس اليوم وفصلت عليهم بقوه. قلت له ما عرفت رقمي الا يوم صرت تبي الفلوس

المهم اني تكلمت على السوداني وبرضه طلبت منه اوراق مثل صورة الفيزه صورة الجواز صورة الفحص الطبي وكل اوراقها عشان اتاكد من كل شي.

المره السابعه رحت له المكتب بعد ما دق علي وقال لي عطنا الفلوس وفيزة الخدامة طلعت ( لاحظو الفلوس ذكرها اول شي بعدين الفيزة طلعت)


قبل يومين ارسل لي السوداني رساله يقول الشغاله بتوصل الليله على الدمام على الخطوط القطرية عن طريق الدوحة

رحت استلمها على موعد هبوط الرحلة الساعة 2 صباحا وقعدت الى الساعه 4 ونص الصباح عند الجوازات.

انتظرت انتظرت انتظرت الين تعبت وفي الاخير رحت للجوازات قال لي العسكري ياخوي هذي حولناها على الترحيل

قلت له ليش ياخوي؟؟

قال لي موظف الجوازات : "عندها سابقة ولازم تُرحل الى سريلانكا"