السلام عليكم ورحمة الله وبركاته

أخوي (Tameem) ولا يهون الأخوان

مثل ما تفضلت في موضوعوك أنا حصل معي نفس الشغلة
هذا الله يسلمك أتصلت على 907 لإلغاء خدمة DSL
وبعد الغاء الخدمة تفاجأت بعد اسبوع بإتصال من 907 يعرض علي عرض مجاني لمدة شهرين 5 قيقا وقلت له طيب في حالة اني ما ابي اجدد بعد الشهرين وش يصير قال يتم الالغاء تلقائي اذا ما اتصلت وقلت ابي اجدد
قلت اذا على كذا اوكي

بعدها بدقائق جتني رسالة التفعيل واليوزر الجديد
وشغال زي الحلاوة

بعد الشهرين جتني الفاتورة فيها قيمة 5 قيقا
عاد انا قفلت واتصل عليهم وتعرفون حركات التصريف الي يسوونها
ارسلت فاكس لهيئة الاتصالات وفيه شرحت الي صار وقلت لهم يرجعون للمكالمة الهاتفية المسجلة
وتم بالفعل ذلك وتفاجأت بعدها بحوال 3 ايام بأن 907 يتصلون على الجوال ويقولون لي ترى راجعنا المكالمة المسجلة وطلع الخطأ من الموظف قلت ما لي شغل في موظفكم تفاهمو معه وسوو لي تسوية بالمبلغ
طبعاً الموضوع هذا صار على نهاية رمضان السنة الي طافت
والموضوع هذا تم البت فيه بعد الشكوى بحوالي 3 اسابيع
وانا مكلمهم في شهر 4 من عام 2010
بعد التسوية رجعت الفاتورة (316 ريال) بعد ما كانت ألف وكسور
يقولون 907 انهم سوو التسوية بالمبلغ الي حوالي 800 ريال ورجعت الفاتورة 316 ريال
قلت الله لا يشكر لكم فضل يا ملاعين الرقبة وقفلت على طول

ومن يومك ما دقوا علي واعرضوا علي شي ابد

شكلي طولت عليكم <<< انت تقولها صادق
تحياتي